Milli Şuranın sədri aparatı formalaşdırılıb

Demokratik Qüvvələrin Milli Şurasının sədri Cəmil Həsənlinin aparatı formalaşdırılıb. Aparatın tərkibinə Oqtay Gülalıyev (“Kür” vətəndaş cəmiyyəti qərargahının əlaqələndiricisi), Turqut Qəmbər (NİDA hərəkatı), Ülvi Həsənli (NİDA hərəkatı), Şahvələd Çobanoğlu (publisist), Yeganə Hacıyeva (Müsavat Partiyası sədrinin müşaviri) daxil olub.

Cəmil Həsənli Turan-a bildirib ki, namizədləri seçərkən o, şəxsi keyfiyyətlərə, fərdi fəallığa və prezident seçkiləri kampaniyası zamanı fəaliyyətin səmərəliliyinə əsaslanıb.

Bütün seçilmiş aparat üzvləri seçki kampaniyası zamanı Milli Şura namizədini kifayət qədər informasiya dəstəyi ilə təmin ediblər.

“Gələcəkdə zamanın tələblərinə əsasən aparatın tərkibi genişləndirilə bilər”, deyə Cəmil Həsənli Turan-a bildirib.

DQMŞ sədri aparatının formalaşdırılması haqqında qərar 4 dekabr sessiyasında, Cəmil Həsənli prezidentliyə namizəd kimi özünü təsdiq edərək bu qurumun sədri seçildikdən sonra qəbul edilib. O, bu vəzifədə Milli Şura ideyasının müəllifi Rüstəm İbrahimbəyovu əvəz edib. İbrahimbəyov elə həmin sessiyada fəxri sədr seçilib.

Azərbaycan DQMŞ bu il mayın 28-də aparıcı müxalifət partiyaları, hərəkatlar və ictimai birlikər, habelə məşhur ictimaiyyət nümayəndələri tərəfindən Azərbaycanın demokratik dövlətə çevrilməsi məqsədilə yaradılıb. -0-