Milli Təhlükəsizlik Nazirliyinin generalları pul tələb etməyə və sui-istifadələrə görə həbs ediliblər (yenilənib)
Bakı/06.04.21/Turan: Aprelin 6-da Baş Prokurorluq keçmiş Təhlükəsizlik Nazirliyinin iki generalının həbsi barədə ətraflı məlumat yayıb.
Qeyd edilən şəxslərə qarşı cinayət işi vətəndaşların müraciəti əsasında açılıb.
Belə ki, Milli Təhlükəsizlik Nazirliyinin Baş İstintaq İdarəsinin rəisi vəzifəsində işlədiyi dövrdə Mövlam Şıxəliyevin “tabeliyində olan şəxslərlə birlikdə 9 halda cinayət işləri üzrə sübutları saxtalaşdırmasına, vəzifə səlahiyyətlərindən sui istifadə edərək müxtəlif korrupsiya cinayətləri törədərək külli miqdarda rüşvət tələb etməsinə və almasına, 4 halda isə ayrı-ayrı şəxslərin külli miqdarda əmlaklarını və pul vəsaitlərini hədə qorxu ilə tələb edərək ələ keçirməsinə əsaslı şübhələr müəyyən edilib”.
Hərbi əks-Kəşfiyyat İdarəsinin sabiq rəisi Nizami Şirinovun bu vəzifədə işlədiyi müddətdə “müxtəlif şəxslərdən Milli Təhlükəsizlik Nazirliyinin Akademiyasına qəbul etdirmək, xidmət yerini dəyişdirmək üçün rüşvət almasına, habelə hədə qorxu ilə əmlak və pul tələb edərək mənimsəməsinə” əsaslı şübhələr müəyyən edilib.
Mövlam Şıxəliyev və Nizami Şirinov cinayət işi üzrə təqsirləndirilən şəxs qismində cəlb edilməklə, onlara Cinayət Məcəlləsinin 182.3.1, 182.3.2 (ağırlaşdırıcı hallarda hədə qorxu ilə tələb etmə), 294.3 (sübutları saxtalaşdırma), 311.3.1, 311.3.2, 311.3.3, 311.3.4 (ağırlaşdırıcı hallarda rüşvət alma), 341.2.1, 341.2.3 (ağırlaşdırıcı hallarda vəzifə səlahiyyətlərindən sui istifadə etmə və vəzifə səlahiyyətlərini aşma) maddələri ilə ittiham elan edilib və barələrində Bakı hərbi məhkəməsinin qərarı ilə həbs qətimkan tədbiri seçilib.
Hazırda cinayət işi üzrə təqsirli şəxslərin tam dairəsinin müəyyənləşdirilərək cinayət məsuliyyətinə cəlb edilməsi istiqamətində intensiv istintaq-əməliyyat tədbirləri davam etdirilir, deyə məlumatda bildirilir.
Xatırladaq ki, adı çəkilən şəxslər Eldar Mahmudov Milli Təhlükəsizlik Nazirliyinin başçısı olduğu dövrdə bu qurumda işləyiblər. 2015-ci ildə Mahmudov vəzifədən azad edilib, nazirliyin 21 zabiti isə cinayət əməllərinə görə istintaqa cəlb edilib və həbs edilib.
Bir il sonra Milli Təhlükəsizlik Nazirliyi buraxılıb və xarici kəşfiyyat onun tərkibindən ayrılıb.
Milli təhlükəsizlik Nazirliyində əsl cinayətkar şəbəkənin yaradılmasına baxmayaraq, Eldar Mahmudov heç bir nəticə ilə üzləşməyib və indiyədək bizneslə məşğul olmağa, villalarında yaşamağa davam edir. -02D-
* * *
2021 Aprel 06 (Çərşənbə axşamı) 11:39:52
Keçmiş MTN generalları saxlanılıblar
Bakı/05.04.21/Turan: Ləğv edilmiş Milli Təhlkəsizlik Nazirliyinin sabiq idarə rəisləri, generallar Mövlan Şıxəliyecv və nizami Şirinov saxlanılıb. Bu barədə Baş Prokuroluğun mətbuat xidmətinin aprlein 5-də yaydığı məlumatda deyilir.
Məlumata görə, hər iki şəxs Baş Prokuroluğun istintaq idarəsində dindirilib.
Məlumatda vurğulanır ki, daha sonra Nəsimi Rayon Məhkəməsi tərəfindən hər iki general barəsində həbs qət-imkan tədbiri seçilib.
Baş Prokurorluğun mətbuat xidməti bildirir ki, məsələ ilə bağlı ictimaiyyətə yaxınlarda ətraflı məlumat veriləcək-05D-
-
- Cəmiyyət
- 6 Aprel 2021 11:26
Siyasət
-
107 gündür həbsdə aclıq edən iqtisadçı Fazil Qasımova aksiyanı dayandırması üçün təzyiq edilir. Bu barədə Qasımovun yaxınları bildiriblər.
-
Qarabağdan bütün erməni əhalisinin təşkil olunmuş köçündən bir il sonra, bölgənin keçmiş erməni sakinlərinin yalnız 2,6%-i Ermənistan vətəndaşlığını əldə edib. Ermənistanın Miqrasiya Xidmətinin məlumatına görə, təxminən 120 min məcburi köçkün arasından yalnız 3 226 nəfər Ermənistan pasportu alıb.
-
Azərbaycan və Səudiyyə Ərəbistanı arasında diplomatik və xidməti pasportlara malik olan və qısamüddətli səfər edən şəxslərin qarşılıqlı giriş vizasından azad edilməsi haqqında anlaşma memorandumu imzalanıb.
-
Azərbaycan və İndoneziya arasında diplomatik pasport sahiblərinin vizasız səfərləri barədə razılıq əldə edilib. Müvafiq hökumətlərarası sazişi sentyabrın 27-də Nyu-Yorkda Birləşmiş Millətlər Təşkilatı Baş Assambleyasının 79-cu sessiyası çərçivəsində keçirilən görüşdə Azərbaycan və İndoneziyanın xarici işlər nazirləri Ceyhun Bayramov ilə Retno Marsudi imzalayıblar.
Rəy yaz