![Minsk Qrupunun həmsədrləri tərəfləri aqressiv ritorikadan çəkinməyə çağırıblar](https://turan.az/resized/750/500/resize/media/2017/main/032900186667.jpg)
Minsk Qrupunun həmsədrləri tərəfləri aqressiv ritorikadan çəkinməyə çağırıblar
ATƏT-in Minsk Qrupunun həmsədrləri (İqor Popov – Rusiya, Stefan Viskonti- Fransa və Riçard Hoqland -ABŞ) ATƏT sədrinin şəxsi nümayəndəsi Anjey Kaspşiklə birlikdə Bakı (11 mart), Yerevan (27 mart) və Dağlıq Qarabağda (28 mart) olublar.
Onlar səfərin yekunları ilə bağlı bəyanatla çıxış ediblər. Bəyanatda deyilir ki, səfərdə məqsəd Ermənistan-Azərbaycan sərhəddi və cəbhənin təmas xəttindən ətraflı siyasi və hərbi məlumat əldə etmək, 2016-cı il Vyana və Sankt-Peterburq sammitlərində əldə olunan sazişlərin reallaşmasını müzakirə etmək, nizamlanma istiqamətində növbəti addımları nəzərdən keçirməkdir. Bu barədə ATƏT-in saytında bildirilir.
Həmsədrlər Azərbaycan və Ermənistanın prezident, xarici işlər nazirləri və Dağlıq Qarabağın de-fakto hakimiyyəti ilə görüşüblər. Dağlıq Qarabağ ətrafında əraziyə baş çəkiblər.
Danışıqlar zamanı həmsədrlər bu yaxınlarda cəbhə xəttində baş vermiş insidentlə bağlı narahatlığını bildirib, tərəfləri öz ritorika və hərəkətlərində təmkinli olmağa çağırıblar.
Prezidentlər siyasi qərarlar yönündə danışıqlar prosesinin davam etdirilməsinə sadiq olduqlarını bəyan ediblər.
Həmsədrlər səfir Kasprşikin missiyasının daim dəstəklənməsinin və genişləndirilməsinin vacibliyini vurğulayıblar.
Onlar qeyd ediblər ki, atəşkəs rejiminə əməl edilməsi gələcək danışıqlar üçün önəmli olan inam atmosferinin yaradılmasından ötrü mühüm əhəmiyyət kəsb edir.
Həmsədrlər Minsk Qrupunun üzvlərini məlumatlandırmaq üçün tezliklə Vyanaya yola düşəcəklər.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz