Bakı/21.08.19/Turan: Avqustun 21-də Müdafiə Nazirliyinin Təlim-Tədris Mərkəzində Azərbaycan HHQ-nin qırıcı təyyarəsinin pilotu Rəşad Atakişiyevlə vida mərasimi keçirilib.
Mərasimdə müdafiə naziri, FHN başçısı, DSX rəhbəri, prezidentin təhlükəsizlik məsələləri üzrə köməkçisi, HHQ komandanı və başqa şəxslər iştirak ediblər. Pilot 2-ci Fəxri Xiyabanda torpağa verilib.
Azərbaycan HHQ-nin iyulun 24-də qəzaya uğramış MiQ-29 təyyarəsinin "qara qutusu" Azərbaycanda tədqiq ediləcək, bu barədə Turan-a həlak olan pilotun qaynatası, keçmiş dövlət müşaviri Qabil Hüseynli bildirib.
Onun sözlərinə görə, Azərbaycanda bu cür tədqiqatlar üçün laboratoriya yaradılıb. Hüseynli qeyd edib ki, qara qutunun üz tərəfi zədələnib.
Təyyarə Zarat qəsəbəsi ərazisində (Bakıdan 65 km şimalda) sahildən 9 km məsafədə dənizə düşüb. Təyyarənin qalıqları və həlak olan pilotun cəsədi 27 metr dərinlikdə aşkar edilib.
Hüseynlinin sözlərinə görə, pilot Rəşad Atakişiyev katapultasiya etməyib. "Qara qutunun" tədqiq edilməsi qəzanın səbəbini müəyyən etməlidir. -B06-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz