Bakı/20.08.19/Turan: Azərbaycan HHQ-nin iyulun 24-də qəzaya uğramış və sahildən 17 km məsafədə dənizə düşmüş MiQ-29 təyyarəsinin pilotu Rəşad Atakişiyevin cəsədi tapılıb. Bu barədə Turan-a pilotun qaynatası, keçmiş dövlət müşaviri Qabil Hüseynli axtarış qrupuna istinadla məlumat verib. Onun sözlərinə görə, pilotun cəsədi qoltuğa bağlı şəkildə aşkar edilib.
Ailə üzvləri cəsədi tanımaq üçün dəvət edilib. Amma cəsəd, demək olar ki, tanınmaz halda idi. Bununla belə, bəzi əlamətlərə əsasən pilotun şəxsiyyətini müəyyən etmək mümkün olub.
Yekun nəticəni DNK təhlili təsdiq edəcək.
Göründüyü qədər, pilot katapultasiya etməyib. Bunun səbəbini araşdırma müəyyən etməlidir.
Vida mərasimi sabah Müdafiə Nazirliyinin təlim-məşq mərkəzində keçiriləcək. -21C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz