“İlham Əliyev seçkilərdə ziyalıların nümayəndəsinə qalib gələ bilməz. Əgər hakimiyyət düzgün seçkidən danışırsa, qoy, ədalətli seçkilər keçirsin və baxaq görək, kim qalib gəlir”, - Açıq Cəmiyyət Partiyasının rəhbəri Sülhəddin Əkbər mitinq zamanı bildirib.
AXCP sədri Əli Kərimli deyib ki, Milli Şurada cəmiyyətin bütün təbəqələri təmsil olunub və Rüstəm İbrahimbəyov vahid namizəd kimi irəli sürülüb.
“Biz düzgün və ədalətli seçkilər tələb edirik. Əgər seçkilər düzgün olsaydı, hakimiyyət daha 60 min vətəndaşın evinin söküləcəyini bəyan etməyə cəsarət etməzdi”, - Ə.Kərimli vurğulayıb.
Onun sözlərinə görə, indiki rejim təhsili, səhiyyəni məhv edir, xalqın sərvətini talan edir. O, ölkədə vəziyyətin dəyişməsinin vacibliyini bildirib, lakin DQMŞ buna dinc yolla nail olacaq.
Bundan sonra gənc iştirakçılar İlham Əliyevin istefasını tələb edən şüarlar səsləndiriblər. Hər dəfə bu şüarlar səsləndikcə tribunaya elektrik enerjisinin verilməsi kəsilib.
Mitinq qətnamə qəbulu ilə başa çatıb. Qətnamədə azad və ədalətli seçkilərin keçirilməsinin təmin olunması, siyasi məhbusların azadlığa buraxılması, R.İbrahimbəyovun ölkəyə qayıtmasına və prezidentliyə namizədliyinin irəli sürülməsinə şəraitin yaradılması tələb olunur. Həmçinin qətmanədə tələb olunur ki, dövlət başçısı ailə üzvlərinin offşor kompaniyaları barədə açıqlama versin, korrupsiyaya uğramış məmurları cəzalandırsın və mülkiyyət hüquqlarının pozulmasına son qoysun.
Aksiya zamanı polislər övladları orduda qeyri-döyüş şəraitində həlak olan bir qrup əsgər anasını saxlayıb. Onları avtobusa əyləşdirərək aparıblar. Onlar mitinqə övladlarının portretlərini gətirməkdə günahkar biliniblər. -06В-
2013 Avqust 18 (Bazar) 19:21:12
Milli Şuranın parçalanıb dağılacağı ilə bağlı hakimiyyətin ümidləri özünü doğrultmayacaq. Müxalifət sıx birləşərək qarşıdakı seçkilərdə hakimiyyətin namizədini məğlub etməkdə əzmlidir. Müxalifət liderlərinin çıxışlarının mahiyyəti belə olub.
Müsavat Partiyasının lideri İsa Qəmbər qeyd edib ki, avqust hər zaman Azərbaycanda milli hərəkat üçün uğurlu dövr olub. Belə ki, 1989-cu ildə Xalq Cəbhəsinin yaradılması və 1991-ci ildə avqustda başlayan milli hərəkat kommunist partiyasının süqutuna və Azərbaycanın öz müstəqilliyini əldə etməsinə gətirib çıxarıb.
İndi də Əliyevin avtoritar rejiminə qarşı çıxmaq üçün müxalifət Milli Şurada birləşib. 40 il hökmranlıq edən və xalqı təngə gətirən bu rejim tarixin arxivinə veriləcək.
Milli Şurada parçalanmanın olması barədə spekulyasiyalar yalandır, İ.Qəmbər qeyd edib. “Biz vahid namizəd Rüstəm İbrahimbəyovu sonadək dəstəkləyəcəyik”, - o vurğulayıb.
Eyni zamanda onun sözlərinə görə, Milli Şura başqa qərarlar da qəbul edəcək.
Belə ki, bazar ertəsi Milli Şuranın sessiyasında ziyalıların nümayəndələrindən daha bir nəfər namizəd irəli sürüləcək. Və yaxud yekun mərhələdə bir namizədin dəstəklənməsi üçün bir neçə nəfərin namizədliyinin irəli sürülməsi barədə R.İbrahimbəyovun öncə söylədiyi ideya qəbul olunacaq.
“Sabahkı iclas tarixi əhəmiyyətə malik olacaq. İstənilən halda biz döyüş meydanını tərk etməyəcəyik”, - İ.Qəmbər qeyd edib.
EL hərəkatının rəhbəri və Milli Şuranın icra aparatının sədri Eldar Namazov deyib ki, Milli Şura öz bütövlüyünü saxlayacaq və qələbəyə nail olacaq.
Qeyd edək ki, polis iştirakçılardan seçkilərə aidiyyatı olmayan şüarları səsləndirməməyi tələb edib. Konkret nəyin nəzərdə
tutulduğu məlum olmasa da polis siyasi məhbusların müdafiəsinə, demokratiyaya dair və s. bir neçə plakatı alaraq cırıb.-06В-
2013 Avqust 18 (Bazar) 17:07:55
Çevik polis alayının əməkdaşları metro stansiyasının ətrafını, şəhərin mərkəzində hökumət müəssisələrinə yaxın yerləri, həmçinin Bayıl qəsəbəsinin girəcəyini gücləndirilmiş nəzarətə götürüblər. Belə ki, saat 17:00-da Milli Şuranın mitinqi başlayıb.
Tiran-ın müxbirinin hadisə yerindən verdiyi məlumata görə, 20-ci sahədə mitinqin keçirildiyi sürücülük məktəbinin qarşısında bir neçə min adam toplaşıb və adamlar gəlməkdə davam edir.
Mitinqin keçirildiyi yer polis dəstələri ilə əhatə olunub. Hələlik insident baş verməyib. -0-
Siyasət
-
Avropa müşahidəçilər missiyasının “binokl diplomatiyası” qəbuledilməzdir. Bu barədə bazar ertəsi prezident İlham Əliyev Belçika Krallığının yeni səfiri Julyen de Freponun etimadnaməsini qəbul edərkən bildirib.
-
Azərbaycan “Azel” TV saytının təsisçisi, 24 gündür Gürcüstan həbsxanasında aclıq edən Əfqan Sadıqov bu gün Penitensiar Xidmətin xəstəxanasında huşunu itirib. Bu barədə onun xanımı Sevinc Sadıqova bildirib.
-
Bakı Apellyasiya Məhkəməsində bu ilin martında Bakı metropoliteninin deposunda qraffiti çəkən üç əcnəbinin işi üzrə ilkin iclas keçirilib. İclasa hakim İbrahim İbrahimli sədrlik edib.
-
Bu il iqtisadiyyat üzrə Nobel mükafatını "millətlərin rifahındakı fərqləri araşdırdıqlarına" görə Daron Əcəmoğlu, Ceyms Robinson və Saymon Conson alıblar.
Rəy yaz