Bakı/12.10.17/Turan: Rusiya Ermənistana müasir silah və hərbi texnika almaq üçün 100 mln. dollarlıq yeni kredit ayıracaq. Ermənistan hakimiyyəti oktyabrın 12-də kredit sazişini təsdiq edib, bu barədə Ermənistan KİV-ləri məlumat yayıb.
Sazişə əsasən, kredit 20 illik veriləcək, bunun 5 ili illik 3% imtiyazlı olacaq.
Ermənistan sazişin ümumi dəyərinin 10%-i ölçüsündə krediti maliyyələşdirməli olacaq.
Ermənistan Müdafiə Nazirliyi və "Rosoboroneksport" silahların və hərbi texnikanın tədarükü, habelə onlara xidmət qaydaları, müddəti haqqında ayrıca sazişlər imzalayacaqlar.
Ermənistan tərəfi bu kreditdən 2018-2022-ci illərdə istifadə edəcək.
Xatırladaq ki, 2015-ci ildə Ermənistan ümumi məbləği 200 mln. dollar olan Rusiya silahının alınması üçün ixrac krediti alıb. Bu sazişlə Ermənistana "Smerç" raket sistemləri, "İqla-S" daşınan raketlər, "Avtobaza-M" radiotexniki kəşfiyyat kompleksləri, TOS-1A odsaçan sistemlər, tank əleyhinə "Konkurs-M" kompleksinə idarə olunan 9M113M raketləri və s. göndərilmişdi. -02D-
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
Rəy yaz