Açiq mənbələrdən foto.
Moskva/28.07.20/Turan: Moskva məhkəmələri şəhərin müxtəlif rayonlarında ermənilərlə azərbaycanlılar arasında toqquşmaların 15 iştirakçısını həbs edib, TASS bildirib.
Belə ki, Nikulin məhkəməsi əslən Ermənistandan yeddi nəfəri CM-in 213-cü maddəsinin 2-ci hissəsi (bir qrup şəxsin tərkibində xuliqanlıq) üzrə ittihamla həbs edib.
Öz növbəsində Troitsk məhkəməsi Azərbaycandan olan dörd nəfəri eyni maddə ilə həbs edib. Kuzmin məhkəməsi isə eyni sayda azərbaycanlını həbs edib.
Xatırladaq ki, iyulun 24-nə keçən gecə Moskvanın müxtəlif rayonlarında əslən Ermənistan və Azərbaycandan olan sakinlər arasında bir neçə kütləvi dava baş verib. Toqquşmalar zamanı kafelər dağıdılıb, hər iki tərəfdən avtomobillərə və digər kommersiya obyektlərinə ziyan dəyib. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz