![Moskva və Tehranın Transxəzər qaz kəmərinə tənqidi münasibəti qalır](https://turan.az/resized/750/500/resize/media/2019/main/081300020974.jpg)
Moskva və Tehranın Transxəzər qaz kəmərinə tənqidi münasibəti qalır
Bakı/13.08.19/Turan: İran ekologiya baxımından Xəzər dənizindən qaz kəmərinin çəkilməsinin əleyhinədir. Bunu avqustun 12-də İran Milli Qaz Şirkətinin nümayəndəsi Bəhruz Namdari Avazda (Türkmənistan) Xəzər İqtisadi Forumunda çıxışında bildirib.
"Şərqdən Xəzər dənizinin qərbinə qaz kəmərinin çəkilməsi regionun ekologiyasına ciddi ziyan vura bilər. İran onun inşasının əleyhinədir", - RİA Novosti Namdaridən sitat gətirib. O, Bakı və Aşqabada təklif edib ki, Avropaya qaz nəqli üçün İranın infrastrukturundan istifadə etsinlər.
Eyni zamanda Moskvada Rusiya hökumətinin aparat rəhbərinin müavini Sergey Prixodko işarə edib ki, Rusiya ekoloji səbəblərdən Transxəzər qaz kəməri layihəsinin əleyhinədir.
"Xəzərdə iri layihələr qərəzsiz ekoloji ekspertizadan keçirilməlidir", - o, avqustun 12-də deyib.
Onun sözlərinə görə, bundan öncə beş Xəzəryanı ölkə arasında imzalanmış ətraf mühitin qiymətləndirilməsinə dair protokol "Xəzər sahilində yerləşən hər bir dövlətə transərhəd xarakterə malik dəniz fəaliyyətinin hərtərəfli ekoloji ekspertizasında iştirak etmək hüququ verir.
Xatırladaq ki, bir il öncə Xəzəryanı ölkələrin liderləri Xəzərin hüquqi statusuna dair Konvensiya imzalayıblar. Sənədə görə, belə layihələr ancaq qaz kəmərlərinin keçdiyi ərazi sularına malik ölkələr ilə razılaşdırılmalıdır.
Aşqabad və Bakı Xəzərin dibi ilə Türkmənistan sahilindən Azərbaycana, sonra isə Türkiyə vasitəsilə Avropa İttifaqına qaz kəməri çəkməyi planlaşdırırlar.-02D-
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz