Açiq mənbələrdən foto.
Moskva/30.07.21 /Тuran: Moskva bu yaxınlarda Ermənistan- Azərbaycan sərhəddində baş verən insidentlərdən ciddi narahatdır. Bu barədə Rusiya Xarici İşlər Nazirliyinin İnformasiya və Mətbuat Departamentinin direktor müavini Aleksandr Bikantovun cümə günü yayılan şərhində deyilir.
"Bu yaxınlarda Azərbaycan-Ermənistan sərhəddinin ayrı-ayrı sahələrində baş vermiş insan tələfatına səbəb olmuş silahlı insidentlərdən ciddi narahatıq. Həlak olanların ailələrinə başsağlığı verir, xəsarət alanlara və yaralananlara şəfa diləyirik", - məlumatda deyilir.
Moskva Azərbaycanla Ermənistanı sərhəddə vəziyyətin daha da deqradasiyası ilə nəticələnə biləcək istənilən addımdan çəkinməyə çağırır.
Onun sözlərinə görə, Azərbaycan-Ermənistan sərhəddində vəziyyət gərgin olaraq qalır. "Tərəfləri vəziyyətin daha da deqradasiyası ilə nəticələnəcək hərəkətlərdən çəkinməyə, yaranmış bütün problemləri siyasi-diplomatik yolla həll etməyə çağırırıq", - Xarici İşlər Nazirliyindən bildiriblər. -02D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz