![MSK Müsavatın təşviqat qrupunu qeydə almadı](https://turan.az/resized/media/2016/main/082800166936-750-500-resize.webp)
MSK Müsavatın təşviqat qrupunu qeydə almadı
Avqustun 27-də Mərkəzi Seçki Komissiyası Müsavat Partiyasının 26 sentyabr referendumu ilə bağlı təsis etdiyi «Respublika» təşviqat qrupunu qeydə almaqdan imtina edib.
Bu haqda «Turan»a Müsavat Partiyası başqanı Arif Hacılı bilgi verib.
MSK qərarını «Respublika» təşviqat qrupunun qeydə alınması üçün etibarlı imzaların sayının tələb ediləndən az olması ilə əsaslandırıb. MSK-nın gəldiyi qənaətə görə, Müsavat Partiyasının təqdim etdiyi imzalardan 3 min 604-ü etibarsızdır. Etibarsız sayılan imzalar çıxıldıqda, yerdə qalan imzalar qrupun qeydə alınmasına yetməyib.
«Hakimiyyət bu davranışı ilə referendumu bir oğurluq əməliyyatı kimi xəlvət keçirmək niyyətində olduğunu bir daha ortaya qoydu. Bu bizi mübarizədən çəkindirmir. Həm kütləvi aksiyaların keçirilməsi, həm müşahidə işinə diqqəti daha da artıracağıq. Ölkənin cümhuriyyət dəyərlərindən yayındırılmasına imkan verməyəcəyik», - deyə Müsavat başqanı A.Hacılı bildirib.
Təşviqat qrupları üçün imzatoplama mərhələsi avqustun 22-də başa çatmışdı. Təşviqat qrupunun qeydiyyatından ötrü 40 min imza tələb edilirdi.
MSK referendumla əlaqədar cəmi 3 təşviqat qrupunu qeydiyyata alıb. Bunların biri hakim Yeni Azərbaycan Partiyasının yaratdığı «Yeni Azərbaycan», digərləri isə «Bələdiyyə» və «Vətəndaş Cəmiyyəti» təşəbbüs qruplarıdır.
Həmin təşəbbüs qruplarının üçü də dəyişikliklərin lehinədir.
Konstitusiyaya dəyişiklərlə bağlı referendum sentyabrın 26-da keçiriləcək.
Referendum Aktı layihəsində Azərbaycanda birinci vitse-prezident və vitse-prezidentlər postunun yaradılması nəzərdə tutulur. Habelə, prezidentin səlahiyyət müddəti 5 ildən 7 ilə artırılır. Prezident və parlament seçkilərində yaş məhdudiyyəti aradan qaldırılır. Bütün bunlardan başqa, prezidentə parlamenti buraxmaq səlahiyyəti də verilir.—06В--
Siyasət
-
ATƏT-in xüsusi əlaqələndiricisi və qısamüddətli müşahidə missiyasının rəhbəri Maykl Krid sentyabrın 1-də səhər saatlarında mərkəzdəki seçki məntəqələrinin birində jurnalistlərlə söhbət edib, lakin növbədənkənar parlament seçkiləri ilə bağlı hər hansı qiymətləndirmə aparmaqdan çəkinib.
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
-
70 saylı Neftçala seçki dairəsindən deputatlığa namizəd, ictimai fəal Vəfa Nağı Qaçaqkənd kəndindəki 40 saylı seçki məntəqəsində fiziki zorakılığa məruz qaldığını bildirib.
-
Müsavat Partiyasının Seçki qərargahına seçki gününün ilk saatlarından qanun pozuntuları barədə məlumatlar da daxil olur.
Rəy yaz