Bakı/16.04.18/Turan: Bazar günü Mərkəzi Seçki Komissiyası (MSK) 11 aprel növbədənkənar prezident seçkilərinin nəticələri ilə bağlı qərar qəbul edib.
MSK rəhbəri Məzahir Pənahov bildirib ki, "seçkilərin nəticələrinə təsir edəcək ciddi qanun pozuntusu aşkar edilməyib".
Bununla belə, MSK 57 saylı Kürdəmir 2-ci seçki dairəsi, 69 saylı Cəlilabad-Masallı-Biləsuvar 26-cı seçki dairəsi, 73 saylı Lənkəran şəhər 10-cu seçki dairəsi və 74 saylı Lənkəran kənd 12-ci seçki dairəsində səsvermənin nəticələrini ləğv edib.
Protokol MSK üzvləri tərəfindən imzalanıb.
Protokola əsasən seçkilərin ümumi nəticələrinə görə, seçicilərin 86,02 faizi İlham Əliyevə səs verib.
Zahid Oruc 3,12 faiz, Sərdar Cəlaloğlu 3,03 faiz, Qüdrət Həsənquliyev 3,02 faiz, Hafiz Hacıyev 1,52 faiz, Araz Əlizadə 1,38 faiz, Fərəc Quliyev 1,17 faiz, Razi Nurullayev 0,74 faiz səs toplayıblar.
Seçkilərdə iştirak 74,3 faiz təşkil edib.
Seçkilərin yekunları təsdiqlənmək üçün Konstitusiya Məhkəməsinə təqdim edilib. Konstitusiya Məhkəməsi səsvermə günündən sonra 14 gün ərzində, yəni aprelin 25-dək qərar qəbul etməlidir.
Qeyd edək ki, bundan öncə Meydan.tv 73 saylı Lənkəran şəhər seçki dairəsi üzrə 10-cu məntəqədə səsverməyə dair qeydlər aparıb. Həmin qeydlərdə bir qadının üç dəfə səs verdiyi görünür.
MSK nümayəndələri seçki günü pozuntu faktlarının olmasını inkar ediblər, "videosübutlar"ı isə saxta adlandırıblar.-06b-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz