![MSK şirnikləndirmə cəhdi aşkar etməyib və Fərəc Quliyevə yalnız xəbərdarlıq edib (Video)](https://turan.az/resized/750/500/resize/media/2020/main/020500024347.jpg)
MSK şirnikləndirmə cəhdi aşkar etməyib və Fərəc Quliyevə yalnız xəbərdarlıq edib (Video)
Bakı/05.02.20/Turan: Azərbaycanın Mərkəzi Seçki Komissiyası çərşənbə günü keçirilən iclasında deputatlığa namizəd Fərəc Quliyevə digər namizəd Mehman Hüseynovu şirnikləndirmək cəhdinə görə xəbərdarlıq edib.
Hüseynov Quliyevin qeydiyyatını ləğv etmək xahişi ilə MSK-ya şikayət təqdim edib. MSK-nın ekspert qrupu qanunvericilik pozuntusunun olub-olmadığını araşdırıb və hər iki tərəfin mövqeyini dinləyib.
Fərəc Quliyev öz izahatında bildirib ki, Hüseynova pul təklif etməyib, yayılan səs yazısı isə montajdır.
Nəhayət, MSK Fərəc Quliyevə xəbərdarlıq etmək qərarı qəbul edib. Bu zaman MSK sədri Məzahir Pənahov bildirib ki, bu, "yekun qərar deyil". Onun sözlərinə görə, prokurorluq da baş verənləri araşdıracaq və prokurorluğun araşdırmasının nəticələri nəzərə alınmaqla yekun qərar qəbul ediləcək.
Xatırladaq ki, Quliyev fevralın 9-da keçiriləcək parlament seçkilərindən namizədliyini geri götürməsi üçün Hüseynova 15 min manat təklif edib.
Müstəqil hüquqşünaslar birmənalı olaraq bildiriblər ki, Quliyevin əməllərində cinayət tərkibi var və onun namizədliyi ləğv edilməlidir. -16D-
-
- Makroiqtisadiyyat
- 5 Fevral 2020 17:27
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz