Mübariz Qurbanlı: YAP sədr müavinləri arasında vəzifələr hələ bölünməyib
İlham Əliyevin üçüncü dəfə Azərbaycan prezidenti vəzifəsinə namizədliyinin irəli sürülməsi Azərbaycan Konstitusiyasına tamamilə uyğundur, bu barədə hakim Yeni Azərbaycan Partiyasının icraçı katibinin müavini Mübariz Qurbanlı “Obyektiv TV”yə müsahibəsində bildirib.
Onun fikrincə, üçüncü müddət üçün Əliyevin namizədliyinin irəli sürülməsi “təkcə YAP-ın deyil, bütün Aəzrbaycan ictimaiyyətinin arzusudur”.
Qurbanlı Əliyevin namizədliyinin irəli sürülməsinin anti-demakratik olması haqqında tənqidi təkzibə məruz qoyaraq, bu fikrin “siyasi və hüquqi əsaslardan” məhrum olduğunu bildirib.
Müsavat lideri İsa Qəmbərin YAP-ın Əliyevi prezidentliyə namizəd irəli sürməsinin “hələ yekun qərar olmaması” haqqında ifadəsini şərh edən Qurbanlı belə deyib: “İlham Əliyevin seçkilərdə iştirak etməməsi radikalların böyük arzusudur. Amma YAP heç vaxt öz qərarını dəyişməyəcək”.
Mehriban Əliyevanın partiyanın sədr müavini seçilməsi və onun partiyadakı funksiyalarının nədən ibarət olacağı ilə bağlı şərh vermək xahişinə cavabda Qurbanlı qeyd edib ki, Əliyevanın bu vəzifəyə irəli sürülməsi qanunauyğundur, çünki o, partiya üçün çox şey edib.
4 yeni müavin seçildiyini xatırladan Qurbanlı deyib ki, onlar arasında vəzifə bölgüsü partiyada növbəti müzakirələr zamanı müəyyən ediləcək.
Bu zaman o qeyd edib ki, partiyada cari işi icraçı katiblik və rayon təşkilatları yerinə yetirir.
Hakimiyyət və müxalifət arasında dialoq mümkünlüyü məsələsini şərh edən Qurbanlı bildirib ki, dialoq üçün mühit var, amma müxalifətin radikal qolu öz hərəkətləri ilə dialoq üçün qapıları bağlayaraq, qarşıdurma yolu seçir.
Milli Şuranın yaradılması məsələsinə toxunan Qurbanlı deyib ki, müxalifət əvvəllər də müxtəlif adlarla birləşib. Onun fikrincə, müxalifət hansı adla birləşirsə birləşsin, mahiyyət dəyişmir və o, əhalinin cəmi 2%-nin dəstəyinə malikdir.
Qurbanlının fikrincə, Rüstəm İbrahimbəyovun prezidentliyə namizədliyi irəli sürülərsə, o, hakimiyyət üçün rəqib deyil. İbrahimbəyov siyasətdə təcrübəli deyil və seçicilərlə bir neçə görüşdən sonra müvəffəqiyyətsizliyə düçar olacaq, Qurbanlı belə hesab edir.
“AzərRos” rəhbəri Abbas Abbasovun Azərbaycanda müəyyən qüvvələrin anti-Rusiya əhval-ruhiyyəsini gücləndirdiyi haqqında bəyanatını şərh etmək xahişinə cavabda Qurbanlı deyib ki, o, Abbasovun nəyi nəzərdə tutduğunu başa düşməyib.
Qurbanlının sözlərinə görə, Abbas Abbasov radikal müxalifətin nəzarəti altında olan mətbuatı nəzərdə tutub.
Rəsmi Bakının Rusiya ilə münasibətləri normal axında davam edir və Rusiyada Ümumrusiya Azərbabycanlılar Konqresi fəaliyyət göstərir, deyə Qurbanlı sonda bildirib. -06D-
Rəy yaz