Mübarizə yoldaşları Ə.Elçibəyi necə andılar?

 

    Tədbirə Ə.Elçibəyin mübazirə yoldaşları və 1992-93-cü illər hakimiyyət komandasının üzvləri qatılıblar. Ə.Elçibəyin 75 illik yubileyilə bağlı bu yaxınlarda Türkiyədə, iyunun 23-də Bakıda tədbir keçirildiyi deyilib, iyunun 24-də isə anadan olduğu Naxçıvanın Kələki kəndində tədbirlərin başlandığı qeyd edilib. Müsavat Partiyası başqanı İsa Qəmbər bu tədbirlərin gənc nəslin Ə.Elçibəyi tanıması baxımından dəyərli olduğu vurğulanıb. Məmməd Əmin Rəsulzadə və Ə.Elçibəy adlarının gənclər üçün azadlıq və müqstəqillik simvoluna döndüyü xatırladılıb. Amma Ə.Elçibəy haqqında həqiqətlərin yazılmasına ehtiyac olduğu da nəzərə çatdırılıb. Ə.Elçibəyin milli-azadlıq, Bütöv Azərbaycan ideallarını gerçək siyasətə gətirməsinə diqqət çəkilib. Bu yolla irəlilədikdə milli-demokratik qüvvələrin qələbəyə nail olacağı qeyd olunub.

 

    Xalq Cəbhəsi Partiyasının sədri Əli Kərimli gənclərdə Ə.Elçibəy barədə yalnız eşitdiklərinə əsasən fikir formalaşdığını deyib, Ə.Elçibəyi tanıtmağın lazımlığını söyləyib. Ə.Elçibəy zamanı qabaqlayan düşüncə sahibi kimi xakaterizə edilib. SSRİ-nin dağılacağı, müstəqil Azərbaycanın qurulacağı fikirləri bunun sübutu kimi göstərilib. Əliyev rejiminin Elçibəyə münasibətdə onu aşağılamaq, ya da unutdurmaq mövqeyi tutduğu xatırladılıb. Ə.Elçibəy ideallarına sədaqətlə bu yolda olmağın mümkünlüyü bildirilib və bu yolda güclü olmaqla 1993-cü ildən bu yana yarımçıq qalmış idealları həyata keçirməyin mümkünlüyünü vurğulayıb.

 

    Klassik Xalq Cəbhəsi Partiyasının sədri Mirmahmud Mirəlioğlu Ə.Elçibəyi müxtəlif siyasi qüvvələri birləşdirməyi bacaran siyasətçi kimi xarakterizə edib. 1999-cu il Qarabağ məsələsi üzərində “qara buludlar” cəmləşəndə məhz müxtəlif siyasi qüvvələri bir araya gətirməklə buna son qoymağı bacarması yada salınıb. 

 

    “Sağ olsaydı, Ə.Elçibəy haqda ən yaxşı nitqi Nəcəf bəy edə bilərdi”, - deyə tarixçi-professor Cəmil Həsənli çağdaş Azərbaycan mətbuatının qurucusu Nəcəf Nəcəfovu yad edib. İyunun 24-ü həm də N.Həcəfovun ad günü olduğunu xatırladıb. Ə.Elçibəy tarixdə qalmağa imza atmış şəxs kimi dəyərləndirilib. Odur ki, gerçək Ə.Elçibəyi “mifləşdirməyə” ehtiyac olmadığına diqqət çəkib. Ə.Elçibəy sadiq qaldığı türkçülüklə “gerçək vətənin gerçək sərhədlərini cızan siyasətçi” kimi tanıdılıb. -05C-