Müdafiə Komitəsi H.Məmmədovun hüquqlarını qorumaq üçün işə keçir

“Tolışi Sədo” qəzetinin mühakimə edilən redaktoru Hilal Məmmədovun Hüquqlarını Müdafiə komitəsi cümə günü keçirdiyi iclasında onun müdafiəsinin təşkili məsələlərini müzakirə edib.

Komitə üzvü, hüquq müdafiəçisi Arzu Abdullayeva beynəlxalq təşkilatların müdafiə işində maraqlandırılmasını vacib saydığını deyib. Artıq H.Məmmədovun adının AŞPA-nın siyasi məhbuslar məsələsi üzərə məruzəçisi Ştrasserin siyahısına salındığını bildirib. Eyni zamanda, H.Məmmədovun vicdan məhbusu kimi tanınması istiqamətində fəaliyyət göstərmək təklifi səsləndirib. 

Onun fikrincə, H.Məmmədovun vicdan məhbusu kimi tanınması beynəlxalq qurumların bu məsələyə birbaşa müdaxiləsi imkanlarını artıra biləcək. Avropa Birliyini bu məsələdə maraqlandırmaq yönündə səyləri artırmaq təklif edilib.

H.Məmmədovun vəkillərinin müraciətləri nəzərə alınaraq, yanvarın 24-də mətbuat konfransı keçirilməsi haqda qərar qəbul edilib. 

Komitə üzvləri cəmiyyətin H.Məmmədovun məhkəməsinə marağını göstərmək üçün ictimaiyyət fəallarının məhkəmə prosesində iştirakının təmin olunmasına səy göstərəcəklərini deyiblər. Komitə məhkəmə prosesinin tam açıq keçirilməsi üçün bəyanat yaymağı nəzərdə tutur. Məhkəmə prosesinin işıqlandırılması üçün elektron və media qurumlarına, internet saytlara müraciət qəbul edilməsi məqbul sayılıb.

Bununla yanaşı, diplomatik korpusun prosesdə iştirakı üçün bu qurumların təmsilçilərinə müraciət ünvanlamaq haqda qərar qəbul edilib. Komitə H.Məmmədovun ittihamı və məhkəmə prosesi barədə yanvarın 24-də mətbuat konfransı keçirilməsi haqda qərar verib. -05C-      

 

Rəy yaz

Siyasət

Navalnının ölümü dünyada hansı daşları tərpədəcək? – Rauf Mirqədirov Çətin sualda



InvestPro Azerbaijan Baku & Turkiye Istanbul 2024 – two conferences in one shot


Əziz Bakı şəhəri sakini!

Siz də Qlobal İqlim Dəyişmələri ilə mübarizəyə öz töhfənizi verə bilərsiniz

Dear resident of Baku city!

You too can contribute to the fight against Global Climate Change

Дорогой житель города Баку!

Вы тоже можете внести свой вклад в борьбу с глобальным изменением климата

Bizi sosial şəbəkələrdə izləyin

Xəbər lenti