Müdafiə Komitəsi repressiyaları pisləyir

“Talışi sədo” qəzetinin redaktoru Hilal Məmmədovun hüquqlarını Müdafiə Komitəsi ölkədə repressiyaları pisləyən bəyanat yayıb.

Sənəddə NİDA gənclər hərəkatı üzvlərinin, REAL hərəkatinin rəhbəri İlqar Məmmədovun, köşə yazarı Tofiq Yaqublunun həbslərinə diqqət çəkilir. Bu həbslər iqtidarın siyasi fəallara qarşı repressiyası adlandırılır. 

Bundan əlavə, ölkənin cənub bölgəsinə səfərləri zamanı Müsavat və Xalq Cəbhəsi partiyaları funksonerlərinin fiziki və mənəvi zorakılıq və təhqirlərə məruz qalmaları da diqqət mərkəzinə çəkilir. Jurnalist İdrak Abbasın Lerikdə, EL hərəkatı Məclisinin sədri Eldəniz Quliyevin zorakılığa məruz qalması, Müsavatın cənub bölgəsi üzrə fəalı Yadigar Sadıqovun həbsi kəskin pislənilir. Seçkiöncəsi başlanan bu təzyiqlərdə məqsədin xalq fəallığının qarşısını almaq olduğu qeyd edilir.  

Müəlliflər siyasi motivlərlə həbsə alınan bütün siyasi məhbusların azadlığa buraxılmasını tələb edirlər. Rəsmi Bakını seçkiyə qatılacaq bütün qüvvələrə bərabər iştirak imkanı yaratmağa səsləyirlər.-05D-