Bu gün Nəsimi Rayon Məhkəməsi NİDA hərəkatının fəalı Məmməd Əzizovun həbs müddətini iki ay uzadıb. O, narkotik maddə saxlamaqda ittiham olunur.
Vəkil Fariz Namazlı həbs müddətinin uzadılmasının qanunsuz olduğunu bildirib. Onun sözlərinə görə, M.Əzizovun barəsində heç bir istintaq hərəkəti aparılmayıb.
Martln 9-da Azərbaycan telekanalları NİDA hərəkatının həbsdə olan fəalları Məmməd Əzizov, Bəxtiyar Quliyev və Şahin Novruzlunun dindirilməsi ilə bağlı operativ çəkilişdən kadrlar nümayiş etdiriblər. Bildirilib ki, gənclər 10 mart aksiyasında polisə qarşı “Molotov kokteyli”ndən istifadə etmək və iştirakçılara narkotik maddə paylamaq niyyətində olublar.
Sonradan M.Əzizov MTN və AzTV-yə qarşı məhkəmə iddiası qaldırıb. Lakin Səbayel məhkəməsi onu icraata götürməkdən imtina edib. Müdafiə tərəfi apellyasiya şikayəti verib.
Hazırda 7 nəfər NİDAçı həbsdədir.
Amnesty International onları “vicdan məhbusları” hesab edir.—06B--
Siyasət
-
Yanvarın 16-da Azərbaycan və Ermənistan arasında dövlət sərhədinin delimitasiyası üzrə Dövlət Komissiyasının və Ermənistanı ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın 11-ci görüşündə Azərbaycanla Ermənistan arasında sərhədlərin delimitasiyası istiqamətləri müəyyən edilib. Bu barədə Azərbaycanın Ermənistanla sərhədin delimitasiyası və demarkasiyası üzrə Dövlət Komissiyasının məlumatında deyilir.
-
“USAİD-in 2024-cü il 1 iyul tarixindən Azərbaycanda fəaliyyət göstərməsi de-yure mümkün deyil”, - Azərbaycanın xarici işlər naziri Ceyhun Bayramov bugünkü mətbuat konfransında bildirib.
-
Azərbaycan və Gürcüstan hər zaman regionda sülhün və sabitliyin tərəfdarı olublar,- cümə axşamı Gürcüstanın xarici işlər naziri Maka Boçorişvili Azərbaycanın xarici işlər naziri Ceyhun Bayramov ilə birgə keçirdiyi mətbuat konfransında bildirib.
-
Azərbaycan Xalq Cəbhəsi Partiyası Lənkəran şöbəsinin fəalı Ramil Eynəliyev "polisə tabe olmamaq" ittihamı ilə inzibati qaydada 30 sutka həbs edilib.
Rəy yaz