Bakı/01.06.22/Turan: Müsavat Partiyasının başqanı Arif Hacılı və onun müavini Səxavət Soltanlı iyunun 2-4-də İrlandiyanın paytaxtı Dublində keçiriləcək Avropa üçün Liberallar və Demokratlar İttifaqının (ALDE) Konqresinə dəvət olunublar.
Konqres nümayəndələri postkovid dövrü, Ukraynada müharibə, iqlim dəyişikliyi, enerji təhlükəsizliyi, Avropanın gələcəyi və digər görünməmiş çağırışlara liberal cavab formalaşdırmağa çalışacaqlar.
Konqres “İndi bizə güclü, vahid Avropa həmişəkindən daha çox lazımdır. Gəlin, ALDE partiya qurultayında liberal cavabı formalaşdıraq və birlikdə irəliləyək!” şüarı ilə keçiriləcək.
ALDE qrupu Avropa Parlamentinin ən böyük fraksiyalarından biridir. Qrup Avropa parlamentində 100 deputatla təmsil olunur. Qrupa 43 ölkədən siyasi partiyalar daxildir. Müsavat Partiyası 2007-ci ildən ALDE-nin üzvüdür.—0—
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz