Açiq mənbələrdən foto.
Bakı/02.04.21/Turan: “Müsavat Partiyası hesab edir ki, Azərbaycan hakimiyyəti rəsmi Moskvadan izahat tələb etməklə yanaşı, 44 günlük Qarabağ müharibəsində Rusiyanın qadağan olunmuş silahlarından Azərbaycana qarşı itifadə olunması faktları ilə bağlı beynəlxalq təşkilatlara rəsmi müraciət etməli, Qarabağ nizamlanması prosesinin Rusiyanın monopoliyasından çıxarılması üçün təxirəsalınmaz tədbirlər həyata keçirməlidir”.
Bu barədə Müsavat Partiyasının bəyanatında deyilir.
Müsavat Partiyası Azərbaycan ictimaiyyətini və siyasi qüvvələri bu məsələdə həmrəylik nümayiş etdirməyə, ölkənin maraqlarına uyğun olaraq prinsipial mövqe ortaya qoymağa çağırır.
Partiya hesab edir ki, bu fakt Rusiyanın Azərbaycana qarşı birbaşa hərbi aqressiyasının sübutudur.
“Azərbaycan Respublikasının Minatəmizləmə Agentliyinin (ANAMA) əməkdaşları işğaldan azad edilmiş Şuşa şəhəri ətrafında “İsgəndər” raketlərinin qalıqlarını aşkarlayıblar. Həmin raket qalıqlarının Rusiyanın Ermənistana verdiyini rəsmən açıqladığı “İsgəndər-E” modifikasiyasına deyil, raket komplekslərinin daha uzaq mənzilli və nüvə başlığı daşıya bilən “İsgəndər-M” versiyasına aid olduğu ortaya çıxıb. Bu versiya 500 kilometrlik orta mənzilli raketlər sinfinə aiddir. Həmin raketlərin ixracı 1987-ci ildə ABŞ ilə SSRİ arasında imzalanan “Yaxın və orta mənzilli raketlərin məhv edilməsi”nə dair müqavilənin tələblərinə tamamilə ziddir. Minatəmizləmə Agentliyi raketin identifikasiya nömrəsini və düşdüyü ərazinin coğrafi koordinatlarını da açıqlayıb. Bu identifikasiya nömrəsinin məhz Rusiyanın istifadəsində olan “İsgəndər-M” raket komplekslərinə aid olduğu həm Azərbaycanın, həm də Rusiyanın hərbi ekspertləri tərəfindən təsdiqlənib. Müsavat Partiyası bu faktı Rusiyanın Qarabağ müharibəsində nəinki Ermənistana hərbi-siyasi dəstək verdiyinin, hətta hərbi əməliyyatlara bilavasitə qoşularaq Azərbaycana nöqtə zərbələri endirdiyinin – hərbi aqressiyanın sübutu kimi qiymətləndirir”, deyə sənəddə qeyd edilir. -03-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz