Müsavat Partiyası hökuməti AŞPA-nin qətnaməsini yerinə yetirməyə çağırır
Müsavat Partiyası bəyan edir ki, hakimiyyət mütərəqqi dəyərlərə zidd fəaliyyətə, dünya birliyinə qarşı uğursuz təbliğat kampaniyalarına, Azərbaycanı dünyadan təcrid siyasətinə son qoymalı, qaldırılan siyasi və insan haqları problemlərinin həlli yolunda əməli addımlar atmalı, ilk növbədə siyasi məhbusları dərhal azadlığa buraxmalıdır. Bu barədə Müsavat Partiyasının Avropa Şurası Parlament Assambleyasının (AŞPA) iyun 23-də “Azərbaycanda demokratik institutların fəaliyyəti” ilə bağlı qəbul etdiyi qətnamə barədə açıqlamasında deyilir.
“Qəbul edilən qətnamə, xüsusilə də Azərbaycan hakimiyyətinin siyasi islahatlar və demokratikləşmə ilə bağlı üzərinə götürdüyü öhdəliklərə əməl etməməsi, siyasi məhbusları azad etməkdən imtina etməsi məsələsinə dair bölmə Azərbaycandakı mövcud vəziyyəti tam əks etdirir”, deyə Müsavat bildirir.
Partiya hesab edir ki, Azərbaycan hakimiyyəti daxili siyasətdə avtoritarizmi möhkəmləndirmə xəttindən əl çəkməməklə, xarici siyasətində mütərəqqi dünyanı Azərbaycana qarşı çevirməklə dövlət maraqlarını və ölkənin milli təhlükəsizliyini ağır zərbə altına qoyur. -03D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz