![Müsavat Partiyası Nəsiman Yaqublunun YNH-də ölümünü müəmmalı hesab edir.](https://turan.az/resized/news/2024/Ol8izzcdz5lp0Rcvuu4zM01rkOV3raopuUhCElch-750-500-resize.webp)
Müsavat Partiyası Nəsiman Yaqublunun YNH-də ölümünü müəmmalı hesab edir.
Müsavat Partiyası Nəsiman Yaqublunun YNH-də ölümünü müəmmalı hesab edir.
Müsavat Partiyası bu təşkilatdan deputatlığa namizəd Nəsiman Yaqublunun ölümünü müəmmalı hesab edir.
Bu sözləri Turan-a partiyanın başqan müavini Mustafa Hacıbəyli deyib.
"Bu, müəmmalı bir ölümdür. Çünki dümdüz yolda qəza niyə olmalıdır? Nəsiman bəy də gənclikdən maşın sürən bir adam olub. İkinci məsələ ondan ibarətdir ki, qəzaya düşəndən sonra o, xəstəxanaya çox gec çatdırılıb", deyə M.Hacıbəyli qeyd edib.
Onun sözlərinə görə, hadisə N.Yaqublu Zəngilan rayonunda seçicilərlə görüşdən qayıdanda baş verib: "Qəza Cəbrayıl rayonu ərazisində baş verib. Orada xəstəxana olmadığı üçün onu gətiriblər Füzuliyə. Hadisə yerindən xəstəxanaya qədər yarım saatlıq yoldur. Amma Nəsiman bəy xəstəxanaya təxminən 1 saat 20 dəqiqədən sonra çatdırılıb. Ona görə də ölüm səbəblərin araşdırılması çox vacibdir".
M.Hacıbəyli bildirib ki, Nəsiman Yaqublu deputatlığa namizəd idi: "Heç şübhəsizdir ki, ona çox sayda səs veriləcəkdi. Nəsiman Yaqublunun ölümündə maraqlı şəxslər var".
Məsələ ilə bağlı Daxili İşlər Nazirliyindən münasibət öyrənmək mümkün olmayıb.
-
- Cəmiyyət
- 26 Avqust 2024 17:42
Siyasət
-
1 saylı Bakı İstintaq Təcridxanasının tibb-sanitar hissəsində saxlanılan ictimai fəal, I qrup əlil Famil Xəlilov 12 gündür aclığı davam etdirir. O, "qanunsuz həbsinə" etraz edir.
-
Tarix elmləri doktoru, London Universitetinin Tarix Araşdırmaları İnstitutunun baş elmi işçisi Cəmil Həsənlinin "Qızıl alma uğrunda Çin‑Sovet savaşı: Şərqi Türküstan. 1930‑1950" adlı kitabı işıq üzü görüb. Kitabı Azərbaycanda "Altun Kitab" MMC çap edib.
-
Azərbaycan XİN başçısı Ceyhun Bayramov avqustun 27-də Türkiyəyə səfər edəcək.
-
İstintaq Təcridxanasında saxlanılan Toplum TV internet televiziyasının təsisçisi Ələsgər Məmmədliyə cərrahi əməliyyat lazımdır. Bu barədə Turan-a onun qardaşı Nəsimi Məmmədli avqustun 26-da onunla telefon danışığından sonra bildirib.
Rəy yaz