• flag_EN
    • flag_RU

Son yenilənmə

(6 saat əvvəl)
Müsavat Partiyası sədrinin müşaviri 2 ay müddətinə həbs olunub
A- A A+
EN RU
Turan İnformasiya Agentliyi
Turan İnformasiya Agentliyi

Müsavat Partiyası sədrinin müşaviri 2 ay müddətinə həbs olunub

Bu gün Lənkəran Rayon Məhkəməsi Müsavat Partiyası sədrinin müşaviri Yadigar Sadıqlının barəsində 2 ay müddətinə həbs qətimkan tədbirini seçib. O, xuliqanlıqda ittiham olunub. Bu barədə Turan-a vəkil Nemət Pənahlı bildirib. O, məhkəmənin qərarını qanunsuz və siyasi motivli hesab edir.

 
  N.Kərimlinin sözlərinə görə, Y.Sadıqlının günahını sübut edən heç bir dəlil təqdim olunmayıb. Yeganə əsas kimi hansısa Rəşid Kərimovun şikayəti götürülüb. Əksinə, iki şahid polisə ifadə verib ki, R.Kərimov özü Y.Sadıqlını təhqir edib və onu davaya sövq edib. Lakin Y.Sadıqlı ona cavab verməyib.
 
  Vəkil bildirib ki, məhkəmənin qərarından Apellyasiya Məhkəməsinə şikayət veriləcək.
 
  Müsavat Partiyasının sədr müavini Gülağa Aslanlı da Sadıqlının həbsini siyasi motivli sayır.
 
  Y.Sadıqlı iyunun 27-də Lənkəran sakini Rəşid Kərimovun şikayəti əsasında şübhəli şəxs kimi saxlanılıb. R.Kərimov bildirib ki, iyunun 25-də Y.Sadıqlı onu döyüb. R.Kərimovun müraciəti KİV-də yayılıb və onun əsasında Lənkəran rayon polisi Cinayət Məcəlləsinin 221.3 (silah və ya silah kimi istifadə edilən predmetdən istifadə ilə xuliqanlıq) maddəsi ilə cinayət işi açıb. Amma iyunun 26-da Y.Sadıqlı ona qarşı fitnəkarlıq edildiyi və həbsinə hazırlıq getdiyi barədə məlumat verib.–06B—

Rəy yaz

Siyasət

Bizi sosial şəbəkələrdə izləyin

Xəbər lenti