Müxalifət martın 31-də növbədənkənar prezident seçkilərinə etiraz olaraq mitinq keçirəcək
Bakı/16.03.18/Turan: Martın 31-də Bakıda növbədənkənar prezident seçkilərinə etiraz olaraq birgə mitinq keçiriləcək. Bu barədə Demokratik Qüvvələrin Milli Şurasının (DQMŞ) Koordinasiya Şurasının üzvü, AXCP sədri Əli Kərimli bildirib.
Mitinq saat 15:00-da "Məhsul" stadionunda olacaq.
Ə.Kərimlinin sözlərinə görə, mitinq "Azad seçkilər!", "Korrupsiyaya yox!", "Monarxiyaya yox!", "Siyasi məhbuslara azadlıq" şüarları ilə keçiriləcək.
"Martın 31-də Azərbaycanda erməni silahlı dəstələrinin azərbaycanlı əhaliyə qarşı törətdiyi qırğınların 100 illiyi tamam olur. Odur ki, mitinqdə erməni terroruna qarşı şüarlar səslənəcək, azərbaycanlılara qarşı soyqırıma qiymət verilməsi üçün beynəlxaq ictimaiyyətə çağırışlar olacaq", -Ə.Kərimli bildirib.
DQMŞ rəhbəri Cəmil Həsənli Turan-a bildirib ki, bu gün təşkilatçılar Bakı meriyasına mitinqlə bağlı bildiriş göndəriblər.
Sənədi DQMŞ üzvləri, AXCP və Müsavat Partiyası imzalayıb. Hələlik hakimiyyətdən cavab yoxdur.
Bundan öncə martın 10-da müxalifət növbədənkənar seçkilərə və korrupsiyaya etiraz olaraq mitinq keçirib.
*1918-ci il mart-aprel aylarında Stepan Şaumyanın rəhbərliyi ilə Bakı Xalq Komissarları Sovetinin bolşevik hökuməti Daşnaksütyun erməni partiyasının silahlı dəstələrindən istifadə edərək Bakıda və Azərbaycanın digər qazalarında azərbaycanlı əhaliyə qarşı kütləvi qətllər törədib. 30 minə yaxın adam öldürülüb.-03B06--
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz