Demokratik Qüvvələrin Milli Şurasının üzvü Cəmil Hacıyev polis tərəfindən ona qarşı təzyiqin davam etdiyini bildirib.
Yanvarın 10-da müxalifətçi Tofiq Yaqublunun işi üzrə proses zamanı o, Bakı Ağır Cinayətlər Məhkəməsinin binası qarşısında "Siyasi məhbuslara azadlıq" plakatı açıb.
Hacıyev KİV-ə bildirib ki, Nəsimi Rayon Polis İdarəsinə aparılıb, orada amansızca döyülüb. "Mənə bunu ictimailəşdirməməyim barədə xəbərdarlıq ediblər, yeni xoşagəlməzliklərlə hədələyiblər. Amma mən jurnalistlərə hər şeyi olduğu kimi danışdım", deyə Hacıyev Turan-a bildirib.
Onun sözlərinə görə, bazar günü onun mobil telefonuna zəng gəlib, Nəsimi Rayon Polis İdarəsinə gəlməsi tələb olunub. "Cavab verdim ki, rəsmi çağırış olmadan polisə getməyəcəyəm", deyə Hacıyev bildirib.
Fəal həmçinin deyib ki, polisdə döyülməsi ilə əlaqədar DİN-ə və prokurorluğa şikayət yazıb.
DİN-dən şərh almaq mümkün olmayıb.
Siyasət
-
Yanvarın 29-da keçiriləcək bələdiyyə seçkilərində 23 saylı Nəsimi-Səbail dairəsindən namizəd, fəal Cəmilə Əlişova onun kampaniya keçirməsinə inzibati əngəllərin yaradıldığını bildirir.
-
Yanvarın 15-də Tbilisi Apellyasiya Məhkəməsi Azərbaycana ekstradisiyasına etiraz edən Azel TV saytının təsisçisi Əfqan Sadıqovun şikayətini təsdiq etməyib.
-
Yanvarın 15-də Yasamal Rayon Məhkəməsi Siyasi Menecment İnstitutunun direktoru Azər Qasımlı barəsində qətimkan tədbirinin dəyişdirilməsi haqqında vəsatəti təmin etməyib. Bu barədə Turan-a onun vəkili Aqil Layıc bildirib.
-
Bakıda yerli yəhudi icmasına qarşı terror aktı hazırlanmasına görə iki nəfər həbs edilib. Bu barədə İsrail KİV-ləri Azərbaycan Dövlət Təhlükəsizliyi Xidmətinə istinadla məlumat yayıb.
Rəy yaz