Natiq Cəfərlinin həbsindən apellyasiya şikayəti verilib
“Respublika alternativi” Hərəkatının (REAL) icraçı katibi Natiq Cəfərlinin həbsi barədə məhkəmə qərarından apellyasiya verilib. Şikayətə üç gün ərzində baxılmalıdır. Bunu Turan-a REAL İdarə Heyətinin üzvü Rəsul Cəfərov bildirib.
O, N.Cəfərliyə qarşı ittihamı gülünc adlandırıb. Belə ki, istintaq onu 192.1 maddəsi (qanunsuz sahibkarlıq) ilə ittiham edir. Lakin bu maddənin iyunun 1-dən qüvvəyə minən yeni redaksiyasına görə, qanunsuz sahibkarlıq lisenziya tələb edən fəaliyyətin həyata keçirilməsinə aiddir. Lisenziya və vergi orqanlarında qeydyyat olmadan göstərilən fəaliyyət qanunsuz sayılacaq.
Lakin N.Cəfərli belə fəaliyyətlə məşğul olmayıb. Digər tərəfdən, 2006-cı ildən onun Vergilər Nazirliyində identifikasiya kodu var.
308.2 maddəsi (vəzifə səlahiyyətlərindən sui-istifadə) daha gülüncdür.
N.Cəfərlinin rəsmi vəzifəsi olmayıb, heç QHT rəhbəri də olmayıb.
Hətta hansı ağır nəticələrdən söhbətin getdiyi də məlum deyil.
İstintaq 2011-ci ildən qrantlar və digər layihələr çərçivəsində göstərilən xidmətlərə görə N.Cəfərlinin maliyyə daxilolmalarının qanunsuz olduğunu bildirib. Lakin qanunsuzluğun nədən ibarət olduğu aydın deyil. Çünki N.Cəfərli vaxtlı-vaxtında vergiləri ödəyib.
Qeyd edək ki, bundan öncə prokurorluq N.Cəfərlinin cinayət təqibi üçün əsasın olmaması barədə akt təqdim edib, Nəsimi Rayon Məhkəməsinin hakimi Elman İsayev isə onun xaricə getməsinə qadağanı aradan qaldırıb. Elə həmin hakim də bu iş üzrə N.Cəfərlinin həbsinə sanksiya verib.
Xatırladaq ki, N.Cəfərli avqustun 12-də həbs olunub. REAL Hərəkatı onun həbsini siyasi sifariş hesab edir.—06B--
-
- Siyasət
- 15 Avqust 2016 13:49
-
- İqtisadiyyat
- 15 Avqust 2016 14:03
Siyasət
-
Həbsxanada 71 gündür aclıq edən ictimai fəal, I qrup əlil Famil Xəlilovun səhhəti ağır olaraq qalır. Bu barədə onun həyat yoldaşı Kiçikxanım Xəlilova bildirib.
-
Çərşənbə axşamı Birləşmiş Ştatlar bildirib ki, KXDR-in müharibədə Rusiyanın tərəfində iştirak etmək üçün əsgər göndərməsi haqqında məlumatları "araşdırmağa davam edir". "KXDR-in əsgərlərinin Putinin Ukraynaya qarşı müharibəsinə qoşulacağı doğrudursa, bu, təhlükəli və həddindən artıq narahatedici hadisə olacaq", bu barədə Dövlət Departamentinin mətbuat katibinin müavini Vedant Patel brifinqdə bildirib.
-
Azərbaycanın energetika naziri Pərviz Şahbazov "X" sosial şəbəkəsindəki hesabında Çinin Çindau şəhərində "Kəmər və Yol" nazirlər konfransında iranlı həmkarı ilə görüşü haqqında məlumat paylaşıb.
-
Çərşənbə axşamı baş nazir Nikol Paşinyan Yerevanda ABŞ Milli Təhlükəsizlik Şurasının Avropa üzrə baş direktoru Maykl Karpenter və Dövlət Departamentinin xüsusi nümayəndəsi Luis Bononu qəbul edib.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 201
Rəy yaz