![NATO nazirləri Qara dənizdə Rusiyaya qarşı müqavimət tədbirlərini təqdir ediblər](https://turan.az/resized/750/500/resize/media/2019/main/040500017934.jpg)
NATO nazirləri Qara dənizdə Rusiyaya qarşı müqavimət tədbirlərini təqdir ediblər
Vaşinqton/05.04.19/Turan: NATO ölkələri xarici işlər nazirləri Rusiya ilə münasibətlərini, terrorizmə qarşı mübarizədə irəliləyişi və digər məsələləri müzakirə etmək üçün bu həftə Vaşinqtonda görüşüblər. Hərbi alyans yaradılmasının 70-ci ildönümünü qeyd edir.
Gözlənildiyi kimi, nazirlər NATO-nun Qara dənizdə iştirakının genişləndirilməsi üzrə tədbirlər paketini və yeni başlayan üzvlər Gürcüstan və Ukraynaya kəşfiyyat məlumatlarının toplanması və hər iki ölkənin hərbi-dəniz qüvvələrinin hazırlanmasının gücləndirilməsilə bağlı dəstəyin artırılmasını təqdir ediblər, Turan-ın Vaşinqton müxbiri məlumat verib.
Gürcüstan və Ukrayna Rusiya ilə münaqişəyə cəlb olunublar. Rusiya Kiyev ilə qarşıdurma zamanı Ukraynanın üç gəmisini saxlayıb. "Biz bu mühüm regionda öz iştirakımızı diqqətdə saxlayırıq", - NATO baş katibi Yens Stoltenberq jurnalistlərə bildirib.
"NATO Ukrayna və Gürcüstanın üzvlüyü məsələsinə baxmaqla Rusiyanı təhrik edirmi?" sualının cavabında Stoltenberq deyib ki, "böyük dövlətlər" başqalarına şərtlər diqtə edə bilməzlər.
"Əgər etiraf edirsiniz ki, bu, Rusiyaya qarşı təxribatdır, deməli, etiraf edirsiniz ki, Rusiyanın öz qonşularının nə etməlı olduqlarını həll etmək hüququ var", - o deyib.
Baş katib bildirib ki, Moskva güc tətbiqini və orta mənzilli nüvə silahlarına dair müqaviləni (İHF) kobud şəkildə pozmaqda davam edir. Bununla da Kreml özünün stabilliyin pozulması siyasətinə davam edir.
Onun sözlərinə görə, NATO üzrə müttəfiqlər İHF olmadan sülhə hazırlaşırlar. Vaşinqton bu ilin əvvəlində müqavilədən çıxacağını bildirib, çünki Rusiya onun şərtlərini pozub.
"Vladimir Putin imperializm barədə ümidsiz xəyallara qapılıb. Bu, onun Gürcüstana və Ukraynaya girməsindən, Suriyaya, indi də Venesuelaya müdaxiləsindən görünür. O, bizim alyansı parçalamağa və bizim demokratik qətiyyətimizi zəiflətməyə çalışır", - ABŞ dövlət katibi Mayk Pompeo jurnalistlərə deyib.
"Biz alyansı yaranmış təhlükələrə qarşı dayanmağa adaptasiya etməliyik".- o vurğulayıb. ABŞ-ın rəhbərliyilə hərbi müqavilə Çin tərəfdən təhlükənin artmasına da adaptasiya ediləcək", -M.Pompeo qeyd edib.-25B-
-
- İqtisadiyyat
- 5 Aprel 2019 12:04
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz