Naxçıvan Şəhərsalma Komitəsinin sədri həbs edilib

Bakı/14.12.22/Turan: Ötən gün Bakının Səbail Rayon Məhkəməsi Dövlət Təhlükəsizliyi Xidmətinin təqdimatı ilə Naxçıvan Şəhərsalma və Arxitektura Komitəsinin rəhbəri Hicran Rüstəmovu həbs edib.

Bu məmur Naxçıvan Muxtar Respublikası ərazisində tikinti və abadlıq işləri üçün nəzərdə tutulmuş 212 milyon manatdan çox dövlət vəsaitini mənimsəməkdə ittiham olunur.

Bu, Azərbaycan Dövlət Təhlükəsizliyi Xidmətinin Naxçıvanda apardığı araşdırmalar zamanı həbs edilən üçüncü yüksək vəzifəli məmurdur. Bundan öncə maliyyə naziri 144 milyon manatı, gömrük rəisinin müavini isə 132 milyon manatı mənimsədiyinə görə həbs edilib.

Qeyri-rəsmi məlumatlara görə, Naxçıvanın müxtəlif qurumlarından onlarla adam həbs edilib.

Qeyd edək ki, bu miqyasda oğurluq və mənimsəmə - 488 milyon manat (təxminən 287 milyon dollar) ölkənin dövlət məmurlarının həbsilə bağlı heç bir halda olmayıb. Hansısa məmurun illərlə müstəqil şəkildə belə məbləğləri mənimsəyə bilməsinə şübhə yoxdur. Naxçıvan klanının çökdürülməsi məhz onunla bağlıdır ki, bütün bu oğurluqlar mərkəzləşdirilib və sistemli xarakter daşıyıb.

İstintaqın məlumatına görə, oğurluqlar uzun illər ərzində törədilsə də, nədənsə Bakının diqqətindən kənarda qalıb. Bunun səbəbi o olub ki, Naxçıvanın rəhbəri Vasif Talıbov dövlət başçısının ailəsinə yaxın adam kimi toxunulmaz olub. 02D