Oktyabrın 3-də Naxçıvan Muxtar Respublikası ərazisində Azərbaycan Silahlı Qüvvələrinin Əlahiddə Ümumqoşun Ordusunun tabeliyində olan bu bölgədə yerləşən hərbi hissələrin iştirakı ilə komanda-qərargah təlimləri başlayıb.
Müdafiə Nazirliyinin mətbuat xidmətinin məlumatına görə, hərbi hissələr və birləşmələr əsas əməliyyat növlərinin həyata keçirilməsi ilə Naxçıvan ərazisinin müdafiəsi üzrə tapşırıqları yerinə yetirəcəklər, habelə düşmən tərəfindən təcavüzün və təhlükələrin qarşısının alınması üzrə qabaqlayıcı tədbirlər üzərində işləyəcəklər.
Bundan başqa, birləşmələr silahlanmada olan yeni və müasir raket-artilleriya sistemlərinin, aviasiya vasitələrinin və digər silah və döyüş texnikası növlərinin tətbiqi ilə düşmənin müdafiəsi altında olan hərbi-strateji obyektlərin məhv edilməsi üzrə tapşırıqları yerinə yetirəcəklər.
Məlumatda təlimlərin nə qədər davam edəcəyi bildirilmir. -16D06-
Siyasət
-
Sentyabrın 17-də Avropa Şurası Nazirlər Komitəsi Azərbaycan da daxil olmaqla, Avropa Şurasına üzv dövlətlərin Avropa Məhkəməsinin qərarlarını necə icra etməsi məsələsinə baxmaq üçün rüblük görüşünə başlayır.
-
Azərbaycan Respublikası Hesablama Palatasının ciddi qanunsuz fəaliyyət aşkar edən araşdırmalarından sonra Dənizkənarı Bulvar İdarəsinin keçmiş vəzifəli şəxslərinə qarşı cinayət işi açılıb. Hazırda Baş Prokurorluğun Korrupsiyaya qarşı Mübarizə İdarəsinin nəzarəti altında olan iş 2021-2023-cü illərdə külli miqdarda mənimsəmə və vəzifə səlahiyyətlərindən sui-istifadə ittihamları ilə bağlıdır.
-
Hacıqabul Rayon İcra Hakimiyyətinin başçısı Rüstəm Xəlilov tutduğu vəzifəsindən azad olunaraq Salyan Rayon İcra Hakimiyyətinin başçısı təyin edilib.
-
Ukraynadakı müharibəyə göndərilmək üçün Çeçenistanda saxlanılan Azərbaycan vətəndaşları əmək miqrantlarıdır. Bu barədə onlardan birinin - Nihad Rzayevin atası Tapdıq Rzayev bildirib.
Rəy yaz