Nicat İbrahim polis bölməsində intihar həddinə çatdırılıb - fəalın həyat yoldaşı
Nicat İbrahim polis bölməsində intihar həddinə çatdırılıb - fəalın həyat yoldaşı
İctimai fəal Nicat İbrahim saxlanıldıqdan sonra öz-özünə böhtan atmağa məcbur edilməsi cəhdləri ilə əlaqədar özünə bədən xəsarəti yetirib. Bu barədə Turan-a onun həyat yoldaşı Pərvin İbrahim bildirib.
Onun sözlərinə görə, sentyabrın 9-da həyat yoldaşı polis tərəfindən saxlanılıb və ona qarşı CM-in 126.1-ci (qəsdən sağlamlığa ağır zərər vurma) maddəsi ilə cinayət işi açılıb.
"Nəsimi Rayon Polis İdarəsində ona ittihamı qəbul etməsi üçün fiziki təzyiq göstərilib. Buna etiraz əlaməti olaraq, o, masadan dəftərxana bıçağını götürüb və özünü öldürmək üçün boğazını kəsib. O, xəstəxanaya aparılıb və boğazına 17 tikiş vurulub.
Bundan sonra Nəsimi Rayon Məhkəməsi onu 4 ay müddətinə həbs edib və Kürdəxanı İstintaq Təcridxanasına yerləşdirib", deyə həyat yoldaşı qeyd edib.
O, intihar cəhdi ilə əlaqədar ombudsman aparatına müraciət edib.
Vəkil Zibeydə Sadıqova İbrahimin özünü öldürməyə cəhd etməsi haqqında məlumatı təsdiq edib. O, bu faktla bağlı prokurorluğa, DİN-ə və ombudsmana müraciət edib. Lakin heç bir cavab almayıb.
Turan Agentliyi də bu qurumlardan şərh ala bilməyib.
İbrahim oktyabrın 5-dən etibarən İstintaq Təcridxanasında aclıq edir. O, cinayət işinin onun DİN tərəfindən ölkədən çıxışına qoyulmuş qadağaya etiraz etməsi ilə əlaqədar açıldığını hesab edir.
Sentyabrın 6-da sərhədçilər qeyd edilən qadağaya istinad edərək, onu Bakı-Kişinyov aviareysinə buraxmayıblar. Həyat yoldaşı və iki azyaşlı uşağı isə təyyarəyə buraxılıb.
Bundan sonra o, DİN-ə zəng edərək, qadağanın ləğv edilməsini tələb edib və DİN-in binası qarşısında özünü yandıracağı ilə hədələyib. Sentyabrın 9-da o, saxlanılıb və ona qarşı ittiham irəli sürülüb.
İbrahim 2021-ci ildə artıq bir dəfə cinayət məsuliyyətinə cəlb edilib və karantin rejimini pozmaq ittihamı ilə 15 ay azadlıqdan məhrumetmə cəzasına məhkum edilib. Həbsə onun Prezident Administrasiyası qarşısında təkbaşına piket keçirməsi səbəb olub.
Siyasət
-
İsrailin müdafiə ordusu Qəzza bölgəsində üç döyüşçünü öldürüb, onlardan biri Fələstinin HƏMAS hərəkatının lideri Yəhya Sinvar ola bilər, bu barədə oktyabrın 17-də İsrail Ordusunun mətbuat xidməti məlumat yayıb.
-
Həbsxanada 65 gündür aclıq edən ictimai fəal, I qrup əlil Famil Xəlilovun səhhəti kəskin pisləşib. Bu barədə Turan-a oktyabrın 17-də saxlanıldığı 1 saylı Bakı İstintaq Təcridxanasının sanitar-tibb hissəsində onunla görüşdən sonra həyat yoldaşı Kiçikxanım Xəlilova bildirib.
-
AŞPA-nın siyasi məhbuslar üzrə baş məruzəçisi Sunna Evarsdottir Azərbaycanda hazırda həbsdə olan Seçkilərin Monitorinqi və Demokratiyanın Tədrisi (SMDT) Mərkəzinin direktoru Anar Məmmədlinin səhhətindən narahatdır.
-
Oktyabrın 17-də Avropa İnsan Hüquqları Məhkəməsi Azərbaycandan 12 ərizə üzrə qərarlarını və hökmlərini elan edib.
Rəy yaz