![Niderland səfiri: "KLM-nin Azərbaycana uçuşlarını bərpa etməyi çox istərdik"](https://turan.az/resized/750/500/resize/media/2019/main/042500018439.jpg)
Niderland səfiri: "KLM-nin Azərbaycana uçuşlarını bərpa etməyi çox istərdik"
Bakı/25.04.19/Turan: Azərbaycan və Avropa İttifaqı arasında müzakirə olunan aviasiya sazişi ölkədə turizmin inkişafına şərait yaradacaq.
Bu barədə cümə axşamı Niderlandda "Kral Gününə" həsr olunmuş mətbuat konfransında bu ölkənin Azərbaycandakı səfiri Onno Kervers bildirib.
Qeyd edək ki, aviasiya sazişi "açıq səma" siyasətini nəzərdə tutur, bu, Avropa İttifaqı ölkələrinin və Azərbaycanın aviasiya şirkətlərinin maneəsiz olaraq qarşılıqlı uçuşlar həyata keçirməsinə imkan verəcək.
Səfir qeyd edib ki, saziş Aİ ölkələri və Azərbaycan arasında yeni reyslərin açılmasına şərait yaradacaq, bu da hamının xeyrinə olacaq.
"Əlbəttə ki, mən, Niderland vətəndaşı olaraq, "KLM" şirkətinin Bakıya uçuşlarını bərpa etməsini çox istərdim. Bu halda ölkələr arasında birbaşa aviasiya əlaqəsi yaranacaq və uçuş müddəti indiki kimi 13 saat deyil, 5 saat təşkil edəcək. Amma "KLM"də Niderlandın dövlət payı olmasına baxmayaraq, o, özəl şirkətdir və buna görə müstəqil qərarlar qəbul edir", deyə o bildirib.
Xatırladaq ki, 1990-cı illərdə "KLM" şirkəti Bakı-Amsterdam reysləri həyata keçirirdi. Amma "AZAL"ın inhisarçı siyasəti nəticəsində bu şirkət çoxsaylı digər şirkətlərlə birlikdə Azərbaycan bazarını tərk edib. -71D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz