Nikol Paşinyan danışıqlarda Qarabağın azərbaycanlı icmasının iştirakının əleyhinədir

Bakı/12.02.19/Turan: Əgər Azərbaycan öz xalqını müharibəyə hazırlayırsa, Ermənistanın reaksiyası eyni olmalıdır. Bu barədə Ermənistanın baş naziri Nikol Paşinyan fevraln 12-də parlamentdə çıxışında bildirib. O qeyd edib ki, Azərbaycan daha çox məsələnin hərbi yolla həllinə meyllidir.

"Erməni tərəfi Qarabağ münaqişəsinin həllini dinc yolda görür, ancaq bu, o demək deyil ki, Ermənistan müharibəyə hazır olmamalıdır", - baş nazir vurğulayıb. O hesab edir ki, dinc nizamlanma üçün öncə sülh atmosferi yaratmaq lazımdır.

"Bu gün Azərbaycanın aqressiv ritorikası səbəbindən regionda sülh atmosferi yaradılmayıb. Əgər biz Azərbaycanın öz ritorikasına son qoymasını gözləyiriksə, təbii ki, biz də öz tərəfimizdən qeyri-aqressiv mövqeyimizi göstərməliyik", - Panarmenian Paşinyandan sitat gətirib.

Onun sözlərinə görə, Qarabağ münaqişəsinin nizamlanmasına dair danışıqlarda iştirak etməlidir. Lakin Azərbaycan danışıqlara Qarabağın azərbaycanlı icmasının da daxil edilməsini təklif edir.

Paşinyanın sözlərinə görə, Azərbaycan icmasının maraqlarını Azərbaycan hakimiyyəti təmsil edir, onlar isə hər zaman danışıqlarda iştirak ediblər.

"Bizim hökumət bəyan edir ki, onun Qarabağ xalqını təmsil etmək üçün mandatı və səlahiyyəti yoxdur, çünki Qarabağ Ermənistan hakimiyyətinə belə mandat verməyib. -02D-