Moskva/25.01.19/Turan: Moskvada səfərdə olan Ermənistan baş naziri Nikol Paşinyan mətbuat konfransında çıxış edərkən Davosda İlham Əliyevlə görüşünə toxunub.
Davosda Qarabağın danışıqlara cəlb edilməsi məsələsinin müzakirə edilib-edilmədiyi barədə suala cavabda Paşinyan deyib ki, Ermənistanı təmsil edir və onu seçməyən Qarabağ sakinlərinin adından danışa bilməz.
"Onların öz hökuməti, öz parlamenti var. Buna görə mən Arsaxın adından danışıqlar apara bilmərəm, mən Ermənistanın adından danışıqlar apara bilərəm", deyə Paşinyan bildirib.
O, həmçinin əlavə edib ki, onun Əliyevlə görüşünün təfsilatı hamını maraqlandırır, amma o, müzakirələrin bütün təfsilatını açıqlaya bilməz, çünki bu, etik deyil.
"Bununla belə, hamı nədən danışdığımızı bilir. Danışıqlar açıq bəyanatlarıma uyğun olan çərçivələr daxilində aparılıb", deyə baş nazir bildirib. -02D-
Siyasət
-
Dövlət başçısının sərəncamı ilə müdafiə nazirinin müavini və Quru Qoşunları komandanı general-leytenant Hikmət Mirzəyev general-polkovnik rütbəsinə layiq görülüb.
-
Macarıstanın paytaxtında Avropa Siyasi Birliyinin beşinci sammiti keçirilir. Tədbirdə bir çox ölkənin liderləri iştirak edirlər.
-
Donald Trampın dövründə Azərbaycan-Amerika münasibətlərinin gələcəyini indidən proqnozlaşdırmaq çətindir, - Azərbaycan Xalq Cəbhəsi Partiyasının lideri Əli Kərimli Turan agentliyinə bildirib.
-
Xeberman.com saytının təsisçisi, aclıq elan edən Polad Aslanov bazar ertəsi bir koloniyadan digərinə köçürülüb və karserə salınıb. Onun xanımının sözlərinə görə, bundan əvvəl ona tibbi blokda olduğunu bildiriblər. "Sərhədsiz reportyorlar" Aslanovun müalicə olunmasını və azadlığa buraxılmasını tələb edir. Bu barədə təşkilatın X platformasındakı məlumatda deyilir.
Rəy yaz