Nikol Paşinyan erməni siyasətçilər arasında liderliyini saxlayır

Bакı/12.03.21/Turan: Əgər parlament seçkiləri yaxın bazar günü keçirilsəydi, Ermənistan vətəndaşlarının 33%- i hakim "Mənim addımım" blokuna, 3% Çiçəklənən Ermənistan Partiyasına, 2%  isə Ermənistanın ikinci prezidenti Robert Köçəryana səs verərdi. Ermənistan Respublika Partiyası, Daşnaksütyun Erməni İnqilabi Federasiyası, Sasna Srer Partiyası və Vətənin Xilası Naminə Hərəkatı hərəsi təxminən 1% qazanardı. Maariflənmiş Ermənistan Partiyasına seçicilərin 1% - dən az hissəsi səs verərdi.

Beynəlxalq Respublika İnstitutunun keçirdiyi sosial sorğunun nəticələri belədir. Respondentlərin böyük hissəsi -42% heç bir qüvvəyə səs vermək istəmədiyini bildirib.

"Transparensi İnterneşnl" proqramlarının koordinatoru Varujan Oktanyan respondentlərin 42%-nin mövqeyini müharibədən sonrakı ümidsizlik, hökumətdə məyusluq, alternativ qüvvələrin olmaması, hazırkı və əvvəlki qüvvələr arasında sonsuz ziddiyyətlərin olması ilə izah edir.

Bu məlumatları Ermənistanda Qalup İnterneşnl  Assosieyşnı təmsil edən Marketinq Profeşional Qrup konsaltinq şirkətinin fevralda keçirdiyi ictimai rəy sorğusunun nəticələri ilə müqayisə etmək yerinə düşərdi.

2021-ci il fevralın ortalarında "əgər yaxın bazar günü növbədənkənar parlament seçkiləri keçirilərsə, kimə səs verərdiniz" sualına respondentlərin 33,1%-i “Mənim addımım” cavabını verib.  4,4% Çiçəklənən Ermənistan, 2,6%  Maariflənmiş Ermənistan, 2,2% Daşnaksütyun, 0,9% Vətən, 0,7% Respublika, 0,4%  Sasna Srer və s. partiyaları göstərib.

Sorğu Ermənistanın hazırkı və keçmiş liderlərinin reytinqinin aşağı düşdüyünü də göstərib. Belə ki, Ermənistanın baş naziri Nikol Paşinyan 5 ballıq şkala üzrə 2,8 bal toplayıb. Ermənistan prezidenti Armen Sarkisyan 2,3 bal, birinci prezident Levon Ter-Petrosyan 1,7 bal, ikinci prezident Robert Köçəryan 2 bal, üçüncü prezident Serj Sarqsyan 1,7 bal, Çiçəklənən Ermənistan Partiyasının lideri Qagik Sarukyan 2,2 bal, Maariflənmiş Ermənistan fraksiyasının lideri Edmon Marukyan 1,8 bal, Vətən Partiyasının lideri Artur Vanesyan 1,5,  Vətənin Xilası Naminə Hərəkatın lideri Vazgen Manukyan və Daşnaksütyun rəhbəri İşxan Saqatelyan 1,6 bal toplayıb.

Bir ay ərzində N. Paşinyanın Mənim Addımım Partiyası öz populyarlığını saxlayıb, potensial seçicilərin cəmi 1%-ni itirib, - Ermənistanda iki sorğunun nəticələri göstərib.

2018-ci il parlament seçkilərində Mənim Addımım bloku seçicilərin 70%-dən çox səsini alıb. Maariflənmiş Ermənistan" 6,37%, Çiçəklənən Ermənistan isə 8,26%  qazanıb.—0—