![Nikol Paşinyan öz müdafiə nazirinin bəyanatını dəstəkləyib](https://turan.az/resized/750/500/resize/media/2019/main/040200017851.jpg)
Nikol Paşinyan öz müdafiə nazirinin bəyanatını dəstəkləyib
Bakı/02.04.19/Turan: "Müdafiə naziri David Tonoyanın bəyanatı ətrafında hay-küy yaratmaq mənasızdır. Əgər o, başqa cür çıxış etsəydi, mən onu tutduğu vəzifədən azad edərdim", - Ermənistanın baş naziri Nikol Paşinyan aprelin 2-də jurnalistlərlə söhbətində deyib.
"Tonoyan deyib ki, əgər müharibə olarsa, biz bu müharibədə qələbəyə can atacağıq. Əgər Müdafiə Nazirliyinin rəhbəri başqa cür düşünərsə, o bu vəzifəni tutmamalıdır. Bu, heç bir halda dinc nizamlanma prosesinə kölgə salmır, əksinə, onun vacibliyini göstərir", - News.am Paşinyandan sitat gətirib.
"Bu bəyanat Nazirlər Kabinetinin rəhbəri ilə razılaşdırılıbmı" sualının cavabında baş nazir deyib: "Müdafiə naziri baş nazirin rəhbəriyi və tabeliyində fəaliyyət göstərir.
Danışıqlar prosesinə toxunan N.Paşinyan deyib: "Dinc danışıqlar prosesi davam etdirilməlidir. Ancaq başa düşmək lazımdır ki, nə qədər ki münaqişə nizamlanmayıb, biz dövlət və xalq olaraq hadisələrin istənilən inkişafına hazır olmalıyıq".
Xatırladaq ki, Ermənistanın müdafiə naziri David Tonoyan bu günlərdə Nyu-Yorkda erməni icmasının nümayəndələri ilə görüşdə Azərbaycan tərəfdən yeni aqressiya baş verərsə, "sülh müqabilində ərazilər" formulunu "yeni ərazilər uğrunda yeni müharibə" formulu ilə əvəzləməyə hazır olduqlarını bildirib.
Azərbaycan XİN Tonoyanın bəyanatını bu ölkənin işğalçı və qəsbkar siyasətinin Ermənistanın yüksək səviyyəli rəsmisi tərəfindən növbəti etirafı adlandırıb.
Bu bəyanat təhrikçi xarakter daşıyır və münaqişənin sülh yolu ilə həllinə və bu xüsusda Minsk Qrupunun həmsədrlərinin simasında beynəlxalq ictimaiyyətin səylərinə qarşı çıxır.
Bakı müdafiə nazirinin çıxışı kontekstində Ermənistan ali rəhbərliyinin açıqlama verməsini gözləyir. "Nazir bu çıxışını Ermənistan rəhbərliyinin razılığı əsasında edibmi, yoxsa bu, nazirin ən azı danışıqların mahiyyətini və nəticədə qəbul edilmiş birgə bəyanatı şübhə altına alan şəxsi improvizasiyasıdır?", - Azərbaycan XİN-in şərhində deyilir. -06D-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz