Bakı/22.11.18/Turan: Dekabrın 10-12-də Tbilisidə Avropa İttifaqının (Aİ) "Şərq Tərəfdaşlığı" Proqramı Vətəndaş Cəmiyyəti Forumunun X illik toplantısı keçiriləcək.
KİV-in məlumatına görə, Azərbaycan hökumət nümayəndələri Foruma dəvət olunmayıblar. Halbuki, tədbirdə digər "Şərq Tərəfdaşlığı" ölkələrinin dövlət nümayəndə heyətlərinin iştirakı planlaşdırılıb.
"Şərq Tərəfdaşlığı" Vətəndaş Cəmiyyəti Forumunun Azərbaycandan olan üzvlərindən biri, Humanitar Araşdırmalar Cəmiyyətinin rəhbəri Əvəz Həsənov Turan-ın xahişilə vəziyyəti şərh edib: "Şərq Tərəfdaşlığı" Proqramına üzv olan Gürcüstan, Ukrayna, Moldova bu tədbirlərə daim qatılıblar. Proqrama üzv olan digər üç dövlət -Azərbaycan, Belarus, Ermənistan isə ancaq onları maraqlandıran məsələlər olanda iclaslarda iştirak ediblər, bir çox iclaslara qatılmayıblar".
Onun sözlərinə görə, dekabrın 10-12-nə nəzərdə tutulan iclasa Azərbaycan və Belarus dəvətli deyil, qalan 4 ölkə dəvətlidir. Ermənistan tədbirə ilk dəfədir ki, xarici işlər naziri səviyyəsində qatılır: "Görünür, bir neçə dəfə Azərbaycanın tədbirə qatılmamasını nəzərə alan təşkilatçılar bu dəfə də belə olacağını düşünüb dəvət etməyiblər", -Ə.Həsənov bildirib.
O qeyd edib ki, qarşıdakı iclas strateji əhəmiyyətlidir, belə ki, tədbirdə iştirakçı ölkələr tərəfindən "Şərq Tərəfdaşlığı" Proqramının yerinə yetirilməsi məsələləri müzakirə olunacaq.
"Ermənistan xarici işlər naziri səviyyəsində iştirak edirsə, Azərbayvan da həmin səviyyədə və ya Prezident Administrasiyasının şöbə müdiri səviyysində dəvət olunmalı idi",- Ə.Həsənov qeyd edib. -05B-
Siyasət
-
Aktau təyyarə qəzasından sonra xilasetmə işlərində mühüm rol oynayan qurtarma işçiləri bazar günü Aktau şəhərində keçirilən rəsmi mərasimdə təltif edilib. Bu barədə Qazaxıstan Fövqəladə Hallar Nazirliyi məlumat verib.
-
İCAO qaydalarına uyğun olaraq AZAL-a məxsus təyyarənin qəzaya uğramasının səbəbləri ilə bağlı ilkin hesabat qəzadan 30 gün sonra ictimaiyyətə açıqlanacaq. Tengrinews xəbər verir ki, bu barədə yanvarın 5-də Qazaxıstan Nəqliyyat Nazirliyi məlumat yayıb.
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
Rəy yaz