Açiq mənbələrdən foto.
Nyu-Cersili konqresmenlər və senator Qubad İbadoğlunu azad etməyə çağırıblar
Bakı/06.11.23/Turan: Nyu-Cersi ştatından doqquz konqresmen və bir senator Azərbaycanda müxalifətçi və iqtisadçı alim Qubad İbadoğlunun həbsi ilə əlaqədar ABŞ dövlət katibi Entoni Blinkenə müraciət ediblər.
Müxalifətçinin qardaşı Qalib Bayramovun Turan-a verdiyi məlumata görə, müraciətdə "Rutger Universitetinin keçmiş professoru Qubad İbadoğlunun dərhal və qeyd-şərtsiz azad edilməsi üçün bütün diplomatik kanallardan və beynəlxalq tərəfdaşlar ilə əməkdaşlıqdan istifadə etmək" çağırışı yer alır".
Qanunvericilər Dövlət Departamentindən İbadoğlunun azad edilməsi üzrə aparılan iş haqqında hesabat istəyiblər.
Bayramov qeyd edib ki, İbadoğlunun səhhəti əvvəlki kimi pisləşir, xəstəlikləri artır, ona səmərəli tibbi yardım isə göstərilmir.
Penitensiar Xidmətdən şərh almaq mümkün olmayıb.
* İyulun 24-də Bakının Nərimanov Rayon Məhkəməsi Qubad İbadoğlunu saxta pul hazırlamaq ittihamı ilə 3 ay 26 gün müddətinə həbs edib. Azərbaycan DİN-dən İbadoğlu 2016-cı ildə Türkiyədə dövlət çevrilişinə cəhddə ittiham olunan Fətullah Gülənin tərəfdarları ilə əlaqəsi olduğunu bildiriblər.
Avqustun 25-də ona qarşı daha bir ittiham irəli sürülüb - "dini ekstremist materialların hazırlanması, saxlanması və yayılması".
Qubad İbadoğlu ittihamları absurd hesab edir və təkzib edir. Bir çox beynəlxalq təşkilatlar və rəsmi şəxslər rəsmi Bakını siyasətçini dərhal azad etməyə çağırıblar. Avropa Parlamenti İbadoğlunun təqibi ilə əlaqədar Azərbaycan məmurlarına qarşı sanksiyalar tətbiq etməyə çağırıb. 16B06
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz