![Obama: «Qərb Ukraynaya dəstəyi davam etdirəcək və Rusiyaya təzyiqləri saxlayacaq»](https://turan.az/resized/750/500/resize/media/2016/main/070800161399.jpg)
Obama: «Qərb Ukraynaya dəstəyi davam etdirəcək və Rusiyaya təzyiqləri saxlayacaq»
NATO və Aİ arasında əməkdaşlığı gücləndirmək, Ukraynaya dəstəyi artırmaq lazımdır. Bu barədə NATO-nun Varşava sammitinin açılış günündə ABŞ prezidenti Barak Obama Britaniyanın Financial Times nəşrində dərc olunan məqaləsində yazıb.
Rusiyanın Ukraynaya qarşı aqressiyası Avropada birliyə, azadlığa və sülhə təhlükə yaradır. NATO və Aİ arasında əməkdaşlığı gücləndirmək, öz suverenliyini və ərazi bütövlüyünü qoruyan Ukraynaya dəstəyi artırmaq lazımdır, Obama yazıb.
Varşava sammitinin vəzifəsi Şimali Atlantika Alyansının Nizamnaməsinin 5-ci maddəsinə əsaslanaraq NATO-nun hər bir üzvünün müdafiəsilə bağlı öhdəliyimzi və səylərimizi yenidən təsdiqləməkdir”, - Obama qeyd edib. “Bizim ölkələr əvvəlkitək Rusiya ilə daha konstruktiv əlaqələrə can atsalar da biz razılaşmalıyıq ki, Moskva Minsk sazişlərinə uyğun olaraq öz öhdəliyini tam yerinə yetirməyənə qədər Rusiyaya qarşı sanksiyalar qüvvədə qalmalıdır”, - amerikalı lider vurğulayıb.
Obamanın sözlərinə görə, “İslam dövləti”nin birbaşa və ya dolayısı iştirakı ilə təşkil olunan terror aktları nəticəsində Orlandodan Parisə,Brüsseldən İstanbula qədər NATO ölkələrində dinc vətəndaşlar ölür.
“Afrikadan tutmuş Suriya və Əfqanıstanda münaqişələr Avropada sığınacaq axtaran miqrant axınına səbəb olub,Britaniyanın Aİ-dən çıxması ilə bağlı referendum isə “gələcək Avropa inteqrasiyası” məsələsini sual altına alıb.
Bu problemləri yalnız həqiqi müttəfiqlər və tərəfdaşlar kimi birliyi saxlamaqla həll etmək olar.Birləşmiş Krallıq və Aİ arasında münasibətlərin yeni formatını tapmaq, eləcə də dünyada iri ticarət və investisiya tərəfdaşları-Aİ və ABŞ arasında “ xüsusi münasibətlər”i davam etdirmək lazımdır.
“Baxmayaraq ki, Brexit müəyyən qeyri-sabitlik yaratdı,bizim ümumi çiçəklənməmiz əvvəlkitək NATO-nun əsaslarına söykənəcək”,-Obama vurğulayıb.-02D-
-
- İqtisadiyyat
- 8 İyul 2016 14:56
-
- Siyasət
- 8 İyul 2016 16:07
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz