Oktyabrın 5-də Milli Şuranın son mitinqi olacaq

Demokratik Qüvvələrin Milli Şurası prezidentliyə namizəd Cəmil Həsənlinin dəstəklənməsi ilə bağlı növbəti seçkiqabağı mitinqi keçirməyi planlaşdırır. 

Mitinq Komitəsi oktyabrın 6-da mitinq keçirmək niyyətində olması barədə meriyaya xəbərdarlıq məktubu göndərib. Lakin meriya “digər namizədlərin müraciətləri” ilə əlaqədar aksiyanın oktyabrın  5-nə keçirilməsimi təklif edib.

C.Həsənlinin seçki qərargahının üzvü Gözəl Bayramlı Turan-a bildirib ki, Mitinq Komitəsi meriyanın cavabını müzakirə edir və çox güman ki, qəbul edəcək. 

Təşkilatçıların facebook.com sosial şəbəkəsi vasitəsilə mitinq təşkilatçılarına müraciətində deyilir: “Azərbaycanda dəyişiklik istəyən hər kəs, korrupsiyaya, əsgər ölümlərinə, Qarabağın işğalına, avtoritarizmə, qanunsuzluğa, məmur özbaşınalığına, evlərin qanunsuz sökülməsinə, ümumilikdə ölkədə ədalətsizliyə “bəsdir!” demək istəyən hər kəs mitinqə dəvət olunur”.--16D06--