Bakı/23.10.19/Turan: Ramiz Mehdiyevin gedişinin ölkədəki vəziyyətə nəzərəçarpan təsiri olmayacaq. Sonuncu kadr dəyişiklikləri və islahatlar haqqında bəyanatlar kosmetik xarakter daşıyır və daxili auditoriya üçün nəzərdə tutulub. Bu barədə "Azadlıq" radiosuna müsahibəsində Xalq Cəbhəsi Partiyasının lideri Əli Kərimli bildirib.
O, fikrini strategiyanı İlham Əliyevin müəyyən etməsi, bütün digər məmurların isə yalnız onun göstərişlərini yerinə yetirməsi ilə izah edib.
Eyni zamanda, o, Əliyevlər-Paşayevlər sülaləsinin güclənməsi fikri ilə razıdır. "Əslində söhbət əmlak bölgüsündən və pul axınlarına nəzarətdən gedir. Sülalələr real islahatlar uğrunda deyil, məhz bunun uğrunda mübarizə aparırlar.
Korrupsiya, inhisar, ədalətsiz məhkəmələr yox olmayacaq, çünki hakimiyyətin bunu dəyişdirmək üçün siyasi iradəsi yoxdur. Səbəb ondadır ki, ən böyük inhisatçılar və korrupsionerlər ölkənin birinci şəxsləridir", deyə o qeyd edib. -02B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz