![Açiq mənbələrdən foto.](https://turan.az/resized/media/2023/main/012300057135-750-500-resize.webp)
Açiq mənbələrdən foto.
Ombudsman mühakimə olunmuş Ermənistan vətəndaşlarına baş çəkib
Bakı/23.01.23/Turan: Bazar ertəsi Azərbaycanın ombudsmanı Səbinə Əliyeva və Milli Preventiv Qrupun üzvləri mühakimə olunmuş Ermənistan vətəndaşlarının saxlandığı yerlərə baş çəkiblər. Bu barədə Ombudsman Aparatından bildiriblər.
Mənbənin məlumatına görə, başçəkmədə tibb işçiləri və psixoloqlar da iştirak ediblər. Səbinə Əliyeva və Milli Preventiv Qrupun üzvləri Ermənistan vətəndaşlarını fərdi qaydada qəbul ediblər, onların müraciətlərini dinləyiblər. Onlara erməni dilində Azərbaycan qanunvericiliyi təqdim olunub və hüquqları ilə bağlı müraciət mexanizmi izah edilib.
Başçəkmə zamanı saxlanma şəraiti – kameraların vəziyyəti, ölçüsü, işıqlandırma, havalandırma, şəxsi gigiyena və sanitariya şəraiti, tibbi xidmət, qidalanma məsələləri yerində araşdırılıb.
“Başçəkmələr zamanı həmin şəxslərə münasibətdə qanunvericiliyin tələblərinə riayət edildiyi, hüquqlarının, lazımi tibbi və psixoloji xidmətin təmin olunduğu müşahidə edilib.
Həmin məbusların saxlanma şəraiti, rəftar, telefon əlaqələri, yazışmalar, kənardan məlumat əldə etmək imkanlarının (televiziya, nəşrlər), tibbi xidmət ilə bağlı şikayətləri olmayıb.
Mühakimə olunmuşlar üçün onların doğma dilində bədii ədəbiyyat və informasiya materiallarının olduğu, həmin şəxslərə Beynəlxalq Qırmızı Xaç Komitəsinin nümayəndələrilə maneəsiz görüş imkanlarının yaradıldığı qeyd edilir”, - məlumatda deyilir.
Məlumatda mühakimə olunmuş Ermənistan vətəndaşlarının sayı açıqlanmır. Erməni tərəfinin məlumatına görə, Azərbaycan 38 erməninin mühakimə olunduğunu bildirir. 16D
-
- Böyük Şərq
- 23 Yanvar 2023 16:14
-
- İqtisadiyyat
- 23 Yanvar 2023 16:16
Siyasət
-
Penitensiar Xidmətin Müalicə müəssisəsində saxlanılan, 45 gündür aclıq aksiyası keçirən İstanbul Universitetinin doktorantı Fazil Qaımovun anası Tahirə Qasımova oğlunu ölümdən xilas etmək məqsədi ilə iyulun 28-də ictimaiyyətə müraciət edib.
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
Rəy yaz