![Nikol Pashinyan](https://turan.az/resized/media/2022/main/111000053889-750-500-resize.webp)
Nikol Pashinyan
Öz öhdəliklərini yerinə yetirməyən Paşinyan Azərbaycanı ittiham edir
Bakı/10.11.22/Turan: Noyabrın 10-da Ermənistanın baş naziri Nikol Paşinyan “Ermənistan Respublikası Silahlı Qüvvələrinin 2023-2027-ci illər üçün inkişaf planı”nın müzakirəsinə həsr olunmuş müşavirədə Azərbaycana qarşı ittihamlar səsləndirib.
Əsasən o, Azərbaycanın 10 noyabr 2020-ci il tarixli üçtərəfli bəyannamə çərşivəsində öhdəliklərini “yerinə yetirmədiyini” bildirib.
Paşinyanın sözlərinə görə, Azərbaycan “Dağlıq Qarabağ ermənilərinin nümayəndələrilə beynəlxalq ictimaiyyət üçün görünən dialoqa başlamaqdan ötrü addımlar atmayıb”, halbuki, üçtərəfli bəyanatda belə bir bənd olmayıb.
Ermənistanın baş naziri deyib ki, Azərbaycanın qərb rayonları ilə Naxçıvan arasında heç bir nəqliyyat marşrutu nəzərdə tutulmayıb və buna görə də Bakı Yerevanın təklif etdiyi variantlarla kifayətlənməlidir. Özü də etiraf edib ki, 2021-ci il dekabrın 14-də Brüsseldə Şarl Mişelin iştirakı ilə Ermənistan və Azərbaycan liderləri “Yerasx-Ordubad-Mehri-Horadiz” dəmir yolu əlaqəsinin bərpasına başlanması barədə razılığa gəliblər.
Paşinyan Rusiya sülhməramlılarının Qarabağda olması ilə bağlı razılaşmaları da özünəməxsus şəkildə şərh edərək, onların regionda qalmasının “müddətsiz” olduğunu bildirib.
Ümumilikdə, Paşinyanın bugünkü bəyanatlarından və aqressiv ritorikasından belə çıxır ki, Ermənistan bütün erməni hərbi qüvvələrin Azərbaycanın Qarabağ bölgəsindən çıxarılması, Naxçıvana dəhliz açılması, ərazi bütövlüyünün qarşılıqlı tanınması ilə bağlı Bakı ilə sülh müqaviləsinin imzalanması üzrə öhdəlikləri yerinə yetirmək niyyətində deyil.
Görünür, Ermənistan öz xarici himayədarlarının dəstəyinə arxalanaraq, hərbi revansa hazırlıq planları ilə qəsdən sülh prosesini pozmağa can atır. 06B
-
- Maliyyə
- 10 Noyabr 2022 14:27
Siyasət
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
-
35 gündür aclıq edən iqtisadçı Fazil Qasımov 1 saylı Bakı İstintaq Təcridxanasının tibbi sanitar hissəsinə keçirilib, bu barədə Turan-a iyulun 19-da günün ikinci yarısında vəkil Rövşanə Rəhimova bildirib.
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
Rəy yaz