Bugün Pakistanın baş naziri Nəvaz Şərifin Azərbaycana səfəri başlayır.
Pakistanın Xarici İşlər nazirliyinin məlumatına görə, prezident İlham Əliyevin dəvəti ilə həyata keçirilən səfər 3 gün davam edəcək.
N.Şərifi yüksək səviyyəli nümayəndə heyəti müşayiət edir. Səfərin məqsədi ikitərəfli münasibətləri dərinləşdirməkdir. N.Şərif Azərbaycan prezidenti İlham Əliyev, baş nazir Artur Rasizadə və digər rəsmi şəxslərlə görüşəcək.
Məlumata görə, liderlər ikitərəfli münasibətləri müzakirə edəcəklər. Ticarət və investisiya, o cümlədən iqtisadi əməkdaşlıq, habelə qarşılıqlı maraq doğuran regional və beynəlxalq problemlər də danışıqlar zamanı diqqət mərkəzində olacaq.
Səfərin yekunlarına görə Birgə Bəyannamə imzalanması gözlənilir.
İslamabad qarabağ münaqişəsində Bakını, Bakı isə Kəşmir məsələsində İslamabadı birmənalı olaraq dəstəkləyir.
Pakistan hərbi məsələlərdə də Azərbaycanın mühüm tərəfdaşıdır. Son illər bu ölkə silah tədarükçülərindən biri olub. Səfər zamanı yeni sövdələşmələr bağlanacağı da istisna deyil. -16D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz