Parisdə Əliyev-Sarkisyan görüşünə hazırlıq gedir
Oktyabrın sonunda Parisdə Fransa prezidentinin vasitəçiliyi ilə Azərbaycan və Ermənistan prezidentləri İlham Əliyevlə Serj Sarkisyanın növbəti görüşü gözlənilir.
Bu görüş barədə razılıq avqustda Soçidə Rusiya prezidenti Putinin vasitəçiliyi ilə Əliyev və Sarkisyan görüşündən sonra əldə edilib.
ATƏT-in Minsk Qrupunun həmsədr ölkələri (Rusiya, ABŞ və Fransa) bu yay Qarabağda vəziyyətin kəskin pisləşməsi ilə bağlı fəallığı artırıblar.
Soçi görüşündən sonra İ.Əliyev və S.Sarkisyan ABŞ dövlət katibi Con Kerrinin vasitəçiliyi ilə Uelsdə görüşüblər.
İndi də Parisdə görüş olacaq. Errmənistan XİN rəhbəri Edvard Nalbandyan görüşün hazırlanması məqsədilə oktyabrın 7-də Parisə yola düşüb. Çox güman ki, Azərbaycan XİN rəhbəri də yaxın vaxtlarda gedəcək.
Diplomatik mənbələrdən Turan-a məlum olub ki, Paris görüşü ərəfəsində Avropa İttifaqının Cənubi Qafqazda münaqişələr üzrə yeni xüsusi nümayəndəsi Herbert Zalber Bakıya gələcək. O, Azərbaycan rəhbərliyi ilə danışıqlar aparacaq. Həmçinin onun Ermənistana səfər edəcəyi ehtimal olunur.
Müşahidəçilər Paris görüşündən dönüş gözləmirlər. Onlar belə hesab edirlər ki, Minsk Qrupu həmsədrlərinin indiki mərhələdə əsas vəzifəsi tərəfləri genişmiqyaslı müharibədən çəkindirməkdir, çünki hələlik nizamlanmanın razılaşdırılmış və real variantı yoxdur.
Bundan əlavə, İ.Əliyevi Fransa prezidenti Fransua Olland ilə vətəndaş cəmiyyətinə qarşı kütləvi repressiyalarla bağlı söhbət gözləyir. Həbs olunan fəallar arasında Fransanın Fəxri Legion Ordeni kavaleri hüquq müdafiəçisi Leyla Yunus da var.
F.Olland Bakıda səfərdə olarkən L.Yunusla görüşüb və onun məsələsini hakimiyyətlə müzakirə edib. Lakin Fransa prezidenti getdikdən sonra L.Yunus və onun həyat yoldaşı həbs olunublar. -02В-
-
- Söz istəyirəm
- 7 Oktyabr 2014 17:09
Siyasət
-
Gürcüstanın həbsdə olan sabiq prezident Mixail Saakaşvili Gürcüstan azərbaycanlılarını oktyabrın 26-da keçiriləcək parlament seçkilərində fəal iştirak etməyə çağırıb.
-
Səfir Mark Libbi bu gün doktor Qubad İbadoğlu ilə görüşüb və onun səhhəti ilə bağlı narahatlığını bildirib.
-
Oktyabrın 25-də Avropa İttifaqının (Aİ) Azərbaycandakı səfiri Peter Mixalko Xarici İşlər Nazirliyinə çağırılıb və Avropa Parlamenti tərəfindən 24 oktyabr tarixində qəbul edilmiş qətnamə, eləcə də bu qurumda baş tutmuş müzakirələr çərçivəsində Avropa Komissarı tərəfindən səsləndirilən əsassız və qərəzli fikirlər qəti şəkildə pislənib və bununla bağlı qarşı tərəfə etiraz notası təqdim edilib. Bu barədə Azərbaycan XİN-in mətbuat xidmətinin 25 oktyabr tarixli məlumatında deyilir.
-
Şimali Koreya Rusiyaya əlavə qoşun göndərməyi planlaşdırır, bu barədə Cənubi Koreyanın kəşfiyyat idarəsi məlumat yayıb. Belə ki, Cənubi Koreyadan 10 000-ə yaxın əsgərin cəlb edilməsi çərçivəsində 1500 hərbiçidən ibarət ilk qrup artıq Rusiyanın Uzaq Şərqində təlim keçir. Bu bölmələr 8-13 oktyabr tarixlərində Vladivostoka gəliblər, bu barədə Bloomberg yazır.
Rəy yaz