Bakı/04.10.18/Turan: Yaxın gələcəkdə 18+ yaş kateqoriyasına aid informasiya məhsulu teleradio vasitəsilə yayımlanarkən onun yaş kateqoriyası haqqında xəbərdarlıq ediləcək. Yayımçılar bunu, televiziya yayımı zamanı işarə, radio yayımı zamanı isə səsləndirmə ilə həyata keçirilməli olacaqlar.
Bu gün, oktyabrın 3-də Milli Məclisin insan hüquqları komitəsində ikinci oxunuşda müzakirə edilən "Uşaqların zərərli informasiyadan qorunması haqqında" qanun layihəsində belə nəzərdə tutulur.
Müzakirələr haqda parlamentin mətbuat xidmətinin məlumatında bildirilir.
"Uşaqların zərərli informasiyadan qorunması haqqında" qanun layihəsi 5 fəsil, 19 maddədən ibarətdir. Layihədə uşaqların informasiya əldə etməsi, ailə institutunu nüfuzdan salan informasiya, informasiya məhsulunun yaş təsnifatı, zorakılığın və qəddarlığın nümayişi və digər anlayışlara izahatı verilir.
Layihənin üçüncü fəslində informasiya məhsulunun işarələnməsi, informasiya məhsulunun işarələnməsinin xüsusiyyətləri əksini tapıb. Layihəyə görə, həmçinin uşaqlar üçün kino və video xidmətlərin göstərilməsi zamanı, uşaq teleradio proqramlarında və verilişlərində, uşaq üçün nəzərdə tutulmuş dövri mətbu nəşrlərdə yayılan reklam onun yerləşdirildiyi informasiya məhsulunun yaş kateqoriyasına uyğun olmalıdır.
Deputatların layihəni bəyəndiyi, Milli Məclisin plenar iclasına tövsiyə etdiyi bildirilir.--0--
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz