Bakı/29.04.23/Turan: Şənbə günü Ermənistanın baş naziri Nikol Paşinyan ABŞ dövlət katibi Entoni Blinkenə zəng edib.
Ermənistan hökumətinin mətbuat xidmətinin məlumatına görə, söhbət zamanı tərəflər regiondakı hərbi-siyasi vəziyyəti müzakirə ediblər.
Paşinyan Azərbaycanın Laçın dəhlizindəki hərəkətlərini “Dağlıq Qarabağda etnik təmizləmə siyasəti” adlandırıb.
O, beynəlxalq ictimaiyyəti “Azərbaycanın regional təhlükəsizliyə xələl gətirən hərəkətlərinə adekvat reaksiya verməyə və Beynəlxalq Ədalət Məhkəməsinin qərarının qeyd-şərtsiz icrası üçün fəal tədbirlər görməyə” çağırıb.
Həmçinin ABŞ dövlət katibinin vasitəçiliyi ilə Azərbaycan və Ermənistan xarici işlər nazirləri arasında gələn həftə Vaşinqtonda keçiriləcək müzakirələrə dair fikir mübadiləsi aparılıb. -0-
Siyasət
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
-
Azərbaycan prezidentinin xarici siyasət məsələləri üzrə müşaviri Hikmət Hacızadə X platformasındakı hesabında yerləşdirdiyi postda senator Ed Markın COP29-da və Bakıdan qayıtdıqdan sonrakı çıxışlarına cavab verib. Hacızadənin sözlərinə görə, senator öz səfərinin nəticələrini "erməni lobbisinin eşitmək istədiklərinə uyğun şəkildə" təqdim edib.
-
Azərbaycanın Xüsusi Rabitə və İnformasiya Təhlükəsizliyi Dövlət Xidməti 2024-cü ilin ilk 10 ayında kibertəhdidlərlə mübarizə sahəsində əhəmiyyətli irəliləyiş əldə etdiyini və milyonlarla zərərli keçid və elektron sənədin aşkar edilərək bloklandığını bildirib.
-
22 noyabrda dövlət başçısı İlham Əliyev İsrailin Nəqliyyat və Yol Hərəkəti Təhlükəsizliyi naziri Miri Regevi qəbul edib. Miri Regev İlham Əliyevə İsrail Prezidenti İsxak Hersoqun salamlarını çatdırıb.
Rəy yaz