Paşinyan: “Ermənistanın Qarabağda hərbi əməliyyatların dayandırılmasına dair sazişlə əlaqəsi yoxdur”

Bakı/20.09.23/Turan: Dağlıq Qarabağ sakinlərinin təhlükəsizliyinin təmin edilməsi funksiyası hazırda tamamilə Rusiya sülhməramlı kontingentinə həvalə edilib. Bu barədə sentyabrın 20-də Ermənistanın baş naziri Nikol Paşinyan öz vətəndaşlarına müraciətində bildirib.

O qeyd edib ki, Ermənistan Dağlıq Qarabağda hərbi əməliyyatların dayandırılması haqqında bəyanatın mətninin hazırlanmasında iştirak etməyib.

"Güman etmək olar ki, əgər sülhməramlılar belə bir təklif veriblərsə, onlar Dağlıq Qarabağ əhalisinin təhlükəsizliyinin təmin edilməsi üzrə tam və qeyd-şərtsiz öhdəlik götürüblər", - Paşinyan deyib.

O, sazişin Ermənistan Silahlı Qüvvələrinin Qarabağdan çıxarılmasını nəzərdə tutan bəndilə razı olmadığunu bildirib. "Yerevan dəfələrlə bəyan edib ki, 2021- ci ilin avqustundan Dağlıq Qarabağda Ermənistan qoşunları yoxdur", - o qeyd edib.

Qarabağda hərbi əməliyyatın məqsədinə toxunan Paşinyan öz sözlərini təkrarlayıb ki, Yerevanda hakimiyyətin devrilməsinə nail olmaq üçün  Ermənistanı münaqişəyə cəlb etmək istədilər. 02D