Paşinyan hərbi əsirlərin mübadiləsinin Azərbaycanla sülh sazişi bağlanmasını yaxınlaşdıracağına ümid edir

Bakı/14.12.23/Turan: Əsirlərin mübadiləsini Yerevan-Bakı münasibətlərində "sıfır nöqtəsi" hesab etmək olar. Bu, sülh sazişinin bağlanması prosesinə başlamağa imkan verəcək. Bu barədə Ermənistanın baş naziri Nikol Paşinyan Yerevanda dənizə çıxışı olmayan inkişaf etməkdə olan ölkələrin nazirlərinin görüşündə çıxışında bildirib.

"Biz bütün sonrakı xəbərlərin Ermənistan və Azərbaycan arasında sülh sazişi bağlanması ehtimalını artırması üçün səy göstərməyə çalışacağıq", deyə Paşinyan bildirib.

Əsas məsələ sülhün hansı prinsiplər çərçivəsində bağlanmasındadır. "Üç əsas prinsip var. Birincisi, nəqliyyat mühasirəsi haqqında sazişlər ölkələrin suverenliyi, yurisdiksiyası, bərabərlik və qarşılıqlılıq prinsipinə əsaslanmalıdır. İkinci prinsipə əsasən, Ermənistan və Azərbaycan bir-birinin ərazi bütövlüyünü tanıyır, daha dəqiq isə, Ermənistanın ərazisi 29 800 km, Azərbaycanın ərazisi isə 86 600 kv km təşkil edir. Üçüncü prinsip ondan ibarətdir ki, Ermənistan və Azərbaycan arasında delimitasiya prosesi 1991-ci il Alma-Atı bəyannaməsi əsasında həyata keçirilməlidir", deyə baş nazir bildirib.

Bu, əvvəllər mövcud olan iki istiqamət üzrə - Azərbaycanın Qazax rayonu vasitəsilə və Azərbaycanın qərb rayonlarını Naxçıvanla birləşdirən Mehri vasitəsilə Azərbaycan və Türkiyə ilə dəmir yolu və avtomobil əlaqəsini bərpa etməyə imkan verəcək.

Ermənistan və Azərbaycan arasında avtomobil yolları da qeyd edilən istiqamətlərdə açıla bilər.

Ermənistan Türkiyə ilə dəmir və avtomobil yollarını açmağa hazırdır, bu, iqtisadi və mədəni əlaqələrə və qlobal təhlükəsizlik məsələlərinə əhəmiyyətli təsir göstərəcək, deyə Paşinyan bildirib.

Onun sözlərinə görə, bu kommunikasiyaların bütün infrastrukturu ərazisindən keçdikləri ölkənin yurisdiksiyası və suverenliyi altında fəaliyyət göstərməlidir. "Hər bir ölkə sərhəd, gömrük nəzarətini və öz ərazisindəki kommunikasiyalardan vətəndaşların, malların və nəqliyyat vasitələrinin keçməsi də daxil olmaqla, bütün infrastrukturların təhlükəsizliyini təmin edəcək", deyə o vurğulayıb. 0