Nikol Pashinyan
Paşinyan Naxçıvana yol açılması ideyasını rədd edir və Azərbaycanla sərhəddə KTMT və ya ATƏT MQ-nin monitorinq aparmasını istəyir
Bakı/29.07.21/Turan: Azərbaycan regional komminikasiyaların açılması mövzusunu nüfuzdan salır, bu barədə Ermənistan hökumətinin iyulun 29-da keçirilən iclasında baş nazir Nikol Paşinyan bildirib.
Onun sözlərinə görə, Ermənistan dəhlizin açılması haqqında heç bir məsələni müzakirə etməyib, etmir və etməyəcək. Paşinyan hesab edir ki, regionda bütün nəqliyyat kommunikasiyaları və iqtisadi kommunikasiyalar açılmalıdır. Ermənistan Azərbaycan ərazisindən Rusiya, Orta Asiya və İranla əlaqəyə malik olmalıdır, Azərbaycan isə Ermənistan ərazisindən Naxçıvan, Gürcüstan və İranla əlaqəyə malik olmalıdır. Bunun üçün gömrük buraxılış məntəqələri yaradılmalı olacaq, deyə Paşinyan qeyd edib.
Azərbaycanla sərhəddəki vəziyyətə toxunan Paşinyan Bakının mövqeyini “desktruktiv” və “KTMT sistemini nüfuzdan salan” mövqe adlandırıb.
Real vəziyyəti öyrənmək üçün Ermənistan-Azərbaycan sərhədi boyunca KTMT və ya ATƏT-in Minsk Qrupunun monitorinq missiyasını yerləşdirmək olar, deyə o bildirib.
Turan agentliyi qeyd edir ki, Rusiya sərhədçilərinin Ermənistan-Azərbaycan sərhədində yerləşdirilməsi üçün hüquqi baza yoxdur. Rusiya sərhədçiləri Rusiya sərhəd qoşunlarının Ermənistan ərazisində statusu haqqında 30 sentyabr 1992-ci il tarixində Yerevanda bağlanmış dövlətlərarası müqaviləyə uyğun olaraq Ermənistanın Türkiyə və İranla sərhədlərini qoruyur. Onların MDB üzvü olan dövlətlərin sərhədində yerləşdirilməsi üçün yeni sazişə ehtiyac olacaq.-02D-
-
- İqtisadiyyat
- 29 İyul 2021 13:13
-
- Siyasət
- 29 İyul 2021 13:22
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz