Nikol Pashinyan
Paşinyan Rusiya sülhməramlılarını Laçın dəhlizində öz funksiyalarını yerinə yetirməməkdə ittiham edib
Bakı/22.12.22/Turan: Cümə axşamı Ermənistan hökumətinin iclasında baş nazir Nikol Paşinyan rus sülhməramlılarını Laçın dəhlizində öz funksiyalarını yerinə yetirməməkdə ittiham edib.
“Azərbaycanın Laçın dəhlizini qanunsuz blokadaya alması nəticəsində Dağlıq Qarabağda humanitar vəziyyət olduqca gərgin olaraq qalır, yüzlərlə ailə ayrı düşüb, Dağlıq Qarabağda ilkin zəruri tələbat malları və ərzaq qıtlığı var”, - “Armenpress” Paşinyandan sitat gətirib.
O, Azərbaycanı beynəlxalq öhdəlikləri və nəqliyyat vasitələrinin və adamların maneəsiz hərəkəti ilə bağlı 9 noyabr 2020-ci il tarixli üçtərəfli bəyanatı pozmaqda ittiham edib.
“9 noyabr bəyanatında təsbit edilən öhdəlik, yəni Laçın dəhlizinin nəzarətdə saxlanılması Rusiya Federasiyasının sülhməramlı kontingenti tərəfindən yerinə yetirilmir”, - Paşinyan deyib.
“Bu, Azərbaycanın qanunsuz hərəkətləri nəticəsində baş verir, lakin bu, vəziyyəti dəyişmir, çünki Rusiya Federasiyasının sülhməramlı qoşunlarının əsas məqsədi bu cür qanunsuzluğun qarşısını almaq, əsasən də Laçın dəhlizini nəzarətdə saxlamaqdır”, - Paşinyan davam edib.
Bu səbəbdən o, Laçın dəhlizinə Birləşmiş Millətlər Təşkilatı və ya ATƏT-in faktaraşdırıcı missiyasının göndərilməsini vacib sayır. Paşinyan beynəlxalq birliyi Azərbaycana təzyiqləri artırmağa çağırıb.
“Laçın dəhlizinə Birləşmiş Millətlər Təşkilatı və ya ATƏT-in faktaraşdırıcı missiyasının BMT, ATƏT və ya ATƏT-in Minsk Qrupunun faktaraşdırıcı missiyasının göndərilməsi üçün fəal işləmək lazımdır”, - Paşinyan deyib.
O qeyd edib ki, Ermənistan sülh müqaviləsilə bağlı təkliflərini Azərbaycana göndərib və onların əsasında sazişi imzalamağa hazırdır. “Biz belə məzmunlu müqaviləi imzalamağa hazırıq. Ümid edirəm ki, Azərbaycanın da cavabı müsbət olacaq”, - Paşinyan deyib.
Baş nazirin sözlərinə görə, bir neçə ay öncə erməni tərəfi sərhədlərin demarkasiyası və sərhəd təhlükəsizliyi məsələləri üzrə komissiyanın gələcək işinə dair təkliflərini Azərbaycana göndərib, lakin Ermənistan hələlik cavab almayıb.
“Ermənistan sərhəd təhlükəsizliyinin təmin edilməsilə bağlı təklifləri Azərbaycana göndərib, lakin indiyədək cavab almayıb. Deməliyəm ki, bu təkliflər Ermənistanın işğal olunmuş əraziləri probleminin həllini ehtiva edir. Bizim mövqeyimiz əvvəlkitək qalır - Azərbaycan Ermənistanın suveren ərazilərinin işğalını dayandırmalı, onun qoşunları isə çıxarılmalıdır”, - Paşinyan deyib. 02D
-
- Maliyyə
- 22 Dekabr 2022 12:34
-
- İqtisadiyyat
- 22 Dekabr 2022 12:56
Siyasət
-
Anım Günündə Böyük Britaniyanın Azərbaycandakı səfiri Fergus Old X sosial şəbəkəsində şəhidlərin xatirəsinə hörmət əlaməti olaraq post paylaşıb.
-
Bu gün ABŞ-ın Azərbaycandakı səfiri Mark Libbi Şəhidlər xiyabanını ziyarət edib və Birinci və İkinci Qarabağ müharibələrində həlak olanların xatirəsinə ucaldılmış "Əbədi məşəl" abidəsinin önünə əklil qoyub.
-
Sentyabrın 27-də Azərbaycanda Anım Günü, dərin milli düşüncə və həlak olmuş qəhrəmanların xatirəsinin ehtiramla anılması günü qeyd olunur. Bu tarixi keçmiş Dağlıq Qarabağ Muxtar Vilayəti ətrafındakı işğal olunmuş ərazilərin, o cümlədən Hadrut rayonlarının və Şuşa şəhərinin azad edilməsində həlledici rol oynayan 2020-ci ilin 44 günlük müharibəsində canlarından keçmiş şəhidlərin xatirəsini əbədiləşdirir. Azərbaycanın ərazi bütövlüyünün bərpası bu müharibənin ən mühüm nəticəsi idi.
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 538
Rəy yaz